రెండో ప్రపంచ యుద్ధం తర్వాత ఆసీస్‌కు దొరికిన అద్భుతమైన ఆటగాడు

ఎంతో సంతోషంగా ఉంది

'డేవిడ్ వార్నర్ మా జట్టులో చేరడం ఎంతో సంతోషంగా ఉంది. రెండో ప్రపంచ యుద్ధం తర్వాత ఆస్ట్రేలియా జట్టుకు దొరికిన అద్భుతమైన ఆటగాడు. అతను మా క్లబ్‌ అధికారులతో చర్చించి మొదటి మూడు లేదా నాలుగు మ్యాచ్‌లు ఆడేందుకు కమిట్ అయ్యాడు' అని తెలిపాడు.

వార్నర్‌పై ఏడాది పాటు నిషేధం

సఫారీ గడ్డపై కేప్ టౌన్ వేదికగా జరిగిన మూడో టెస్టులో బాల్ టాంపరింగ్‌కు పాల్పడిన మాజీ కెప్టెన్ స్టీవ్ స్మిత్, ఓపెనర్ బాన్‌క్రాఫ్ట్‌లతో పాటు వార్నర్‌‌లపై ఆ దేశ క్రికెట్ బోర్డు నిషేధం విధించిన సంగతి తెలిసిందే. బాల్ టాంపరింగ్ వివాదంలో వార్నర్‌, స్మిత్‌లపై ఏడాది పాటు నిషేధం విధించగా.. దాన్ని అమలు చేసిన బాన్‌క్రాఫ్ట్‌ని 9 నెలల పాటు నిషేధించింది.

దేశవాళీ క్రికెట్‌కి నిషేధం వర్తింపు

ఈ నిషేధం దేశవాళీ క్రికెట్‌కి కూడా వర్తిస్తుంది. అయితే వీరి అభ్యర్థన మేరకు క్రికెట్ ఆస్ట్రేలియా ప్రీమియర్ క్లబ్‌లు, ఛారిటీల కోసం క్రికెట్ ఆడేందుకు అనుమతించింది. ఈ నేపథ్యంలో బాన్‌క్రాఫ్ట్ పశ్చిమ ఆస్ట్రేలియా ప్రీమియర్ క్రికెట్‌లో ఆడుతుండగా తాజాగా వార్నర్‌ కూడా ప్రీమియర్ క్లబ్ క్రికెట్‌లో ఆడేందుకు సిద్ధమయ్యాడు.

యువ ఆటగాళ్లకు ఎంతో ఉపయోగం

తమకు దొరికిన అవకాశాన్ని సద్వినియోగం చేసుకోవాలని ఆటగాళ్లు భావిస్తున్నారు. అయితే వార్నర్ తమ జట్టులో ఉండటం యువ ఆటగాళ్లకు ఎంతో ఉపయోకరమని వైట్నీ పేర్కొన్నాడు. 'అతను మా జట్టులో ఆడుతున్నాడని తెలిసి ప్రతి ఒక్కరు ఉత్సాహంగా ఎదురు చూస్తున్నారు. డ్రెస్సింగ్ రూంలో యువ ఆటగాళ్లకి అతని సూచనలు ఎంతో ఉపయోగకరంగా ఉంటాయి' అని తెలిపాడు.