తొలిసారి విశ్వవిజేత:
సూపర్ ఓవర్లో తొలుత బ్యాటింగ్ చేసిన ఇంగ్లండ్ ఆరు బంతుల్లో 15 పరుగులు చేసింది. అనంతరం 16 పరుగుల విజయ లక్ష్యంతో బరిలోకి దిగిన న్యూజిలాండ్ ఆరు బంతుల్లో వికెట్ నష్టపోయి 15 పరుగులే చేసింది. దీంతో సూపర్ ఓవర్ కూడా టై అయింది. చివరకు బౌండరీలు ఆధారంగా ఇంగ్లాండ్ను విజేతగా ప్రకటించారు. దీంతో ఎన్నో ఏళ్లుగా కలలు కంటున్న ఇంగ్లాండ్ తొలిసారి విశ్వవిజేతగా నిలిచింది.
కూల్గా బౌలింగ్ చేయి:
ఇంగ్లాండ్ తరపున సూపర్ ఓవర్ను స్టార్ పేసర్ జోఫ్రా ఆర్చర్ వేసాడు. అయితే సూపర్ ఓవర్ వేయడానికి ముందు ఆల్రౌండర్ బెన్ స్టోక్స్ వచ్చి ఎటువంటి ఆందోళనకు గురికాకుండా కూల్గా ఉండమని చెప్పాడట. 'గెలుపు, ఓటములు గురించి పట్టించుకోకు. ఈ రోజు ప్రదర్శన నీ ప్రతిభను తగ్గించదు. అందరూ నీపై నమ్మకం ఉంచారు. ఆందోళనకు గురికాకుండా కూల్గా బౌలింగ్ చేయి' అని స్టోక్స్ ధైర్యం చెప్పాడు. ఆ సలహాతోనే స్వేచ్ఛగా బౌలింగ్ వేశా అని ఆర్చర్ తెలిపాడు.
ప్రపంచం అక్కడితో ఆగిపోదు:
'ఫైనల్ మ్యాచ్ ఓడిపోయి ఉంటే, తర్వాత ఏమి చేసేవాన్నో నాక్కుడా తెలియదు. ఓడిపోతే వచ్చే ఏడాది టీ20 ప్రపంచకప్ రూపంలో మరో అవకాశం ఉంటుంది. జో రూట్ కూడా వచ్చి కొన్ని స్ఫూర్తిదాయకమైన మాటలు చెప్పాడు. ఒకవేళ మేము ఓటమి పాలైతే ప్రపంచం అక్కడితో ఆగిపోదు. ఈ విషయం నాకు తెలుసు. ప్రతీ ఒక్కరూ నమ్మకం ఉంచారు. ఫలితంపై జట్టు సభ్యులు అందరూ సంతోషంగా ఉన్నారు, వారిని చూస్తే చాలా ఆనందంగా ఉంది' అని ఆర్చర్ పేర్కొన్నాడు.
అరుదైన రికార్డు:
ఇంగ్లండ్ ప్రపంచకప్ జట్టులో అనూహ్యంగా చోటుదక్కించుకున్న ఆర్చర్.. అంచనాలను అందుకుని సత్తా చాటాడు. ప్రపంచకప్లో ఆర్చర్ అరుదైన రికార్డును సాధించాడు. ఒకే ప్రపంచకప్లో ఇంగ్లాండ్ తరఫున అత్యధిక వికెట్లు (20) తీసిన ఆటగాడిగా రికార్డులోకి ఎక్కాడు. న్యూజిలాండ్తో జరిగిన ఫైనల్ మ్యాచ్లో మ్యాట్ హెన్రీని ఔట్ చేసి ఈ ఘనత సాధించాడు. 18 వికెట్లతో మార్క్ వుడ్ రెండో స్థానంలో ఉండగా.. క్రిస్ వోక్స్ 16 వికెట్లతో మూడో స్థానంలో ఉన్నాడు.