Unique IPL record: చెన్నై సీమర్ దీపక్ చాహర్ అరుదైన రికార్డు

నెహ్రా నెలకొల్పిన 19 డాట్ బాల్స్ రికార్డుని

ఈ క్రమంలో గత సీజన్లలో ఆశిష్ నెహ్రా నెలకొల్పిన 19 డాట్ బాల్స్ రికార్డుని దీపక్ చాహర్ బద్దలు కొట్టాడు. 2009లో కింగ్స్ ఎలెవన్ పంజాబ్ జట్టుతో జరిగిన మ్యాచ్‌లో ఢిల్లీ డేర్‌డెవిల్స్‌కు ప్రాతినిథ్యం వహించిన ఆశిష్ నెహ్రా ఈ రికార్డుని నెలకొల్పాడు. ఈ సీజన్‌లో దీపక్ చాహర్ సూపర్ ఫామ్‌లో కొనసాగుతున్నాడు.

8 వికెట్లు పడగొట్టిన దీపక్ చాహర్

ఈ సీజన్‌లో చెన్నై సూపర్ కింగ్స్ ఇప్పటివరకు ఆడిన ఆరు మ్యాచ్‌ల్లో దీపక్ చాహర్ 7.24 ఎకానమీ రేట్‌తో 8 వికెట్లను తన ఖాతాలో వేసుకున్నాడు. మంగళవారం కోల్‌కతాతో జరిగిన మ్యాచ్‌లో దీపక్ చాహర్... కోల్‌కతా డేంజరస్ బ్యాట్స్‌మన్ క్రిస్ లిన్, రాబిన్ ఊతప్ప, నితీష్ రాణాలను పెవిలియన్‌కు చేర్చాడు.

24 పరుగులకే 4 వికెట్లు కోల్పోయి కష్టాల్లో

దీంతో కోల్‌కతా 24 పరుగులకే 4 వికెట్లు కోల్పోయి కష్టాల్లో పడింది. అయితే, కోల్‌కతా విధ్వంసకర బ్యాట్స్‌మన్ ఆండ్రీ రసెల్‌ 44 బంతుల్లో 50 నాటౌట్‌ (5 ఫోర్లు, 3 సిక్సర్లు) హాఫ్ సెంచరీతో ఒంటరి పోరాటం చేయడంతో నిర్ణీత ఓవర్లలో 9 వికెట్లు కోల్పోయి 108 పరుగులు చేసింది. అనంతరం 109 పరుగుల స్వల్ప లక్ష్యాన్ని చెన్నై 17.2 ఓవర్లలో 3 వికెట్లు కోల్పోయి చేధించింది.