కిర్స్టన్కు మరోసారి నిరాశే:
హెడ్ కోచ్గా క్రిస్ సిల్వర్వుడ్ ఎంపికవడంతో.. గ్యారీ కిర్స్టన్కు మరోసారి నిరాశే ఎదురైంది. ఇటీవల భారత జట్టు హెడ్ కోచ్ పదవికి దరఖాస్తు చేసుకుని భంగపడ్డ కిర్స్టన్.. ఇంగ్లండ్ కోచ్ పదవి కోసం దరఖాస్తు చేసుకున్నప్పటికీ చుక్కెదురైంది. ఈ మధ్య కాలంలో కిర్స్టన్కు ఏది కలిసిరావడం లేదు. ఒకసారి రవిశాస్త్రి అడ్డుపడగా.. మరోసారి సిల్వర్వుడ్ అడ్డుతగిలాడు. అయితే గతంలో భారత మహిళల జట్టుకు అవకాశం వచ్చినా.. కిర్స్టన్ ఉపయోగించుకోలేదు.
కిర్స్టన్కే మాజీల ఓటు:
ఇంగ్లండ్కు కోచ్గా పని చేసిన ట్రెవర్ బెయిలీస్ పదవీ కాలం ఇటీవల ముగిసిన నేపథ్యంలో ఈసీబీ కోచ్ల కోసం దరఖాస్తులు ఆహ్వానించింది. ఈ పదవి కోసం సిల్వర్వుడ్, కిర్స్టన్, అలెక్ స్టువార్ట్, గ్రాహమ్ ఫోర్డ్లు కూడా దరఖాస్తు చేసుకున్నారు. పలువురు ఇంగ్లండ్ మాజీ కెప్టెన్లు కిర్స్టన్ నియమానికే ఓటేసారు. గ్యారీ కిర్స్టన్ బాధ్యతలు స్వీకరించే అవకాశం ఉందని బ్రిటిష్ మీడియా గత వారం వార్తలు కూడా ప్రచురించింది.
రేసులో ముందందజలో నిలిచినా:
ఇంటర్యూలు నిర్వహించిన అనంతరం ఇంగ్లండ్ క్రికెట్ చీఫ్ ఎగ్జిక్యూటివ్ ఆఫీసర్ సమక్షంలోని ఈసీబీ సెలక్షన్ ప్యానల్ మాత్రం సిల్వర్వుడ్ పేరును ఖరారు చేసింది. దీంతో గతంలో హెడ్ కోచ్గా పనిచేసిన అనుభవం ఉన్న కిర్స్టన్.. రేసులో ముందందజలో నిలిచినా ప్రతికూల ఫలితమే వచ్చింది. ఇంటర్యూలో కిర్స్టన్ కంటే సిల్వర్వుడ్ చెప్పిన సమాధానాలకే ఈసీబీ సంతృప్తి చెందిందట. స్వదేశీ క్రికెటర్ కావడం కూడా సిల్వర్వుడ్కు కలిసొచ్చింది. ఫాస్ట్ బౌలింగ్ కోచ్గా సేవలందించడం కూడా అతనికి ఉపయోగపడింది.