విండీస్ దిగ్గజం లారా రికార్డులు బద్దలు కొట్టిన క్రిస్ గేల్‌

తొలి వెస్టిండీస్‌ ఆటగాడు:

వెస్టిండీస్‌ తరఫున వన్డేల్లో అత్యధిక పరుగులు సాధించిన బ్యాట్స్‌మన్‌గానూ గేల్‌ (10,408) రికార్డు నెలకొల్పాడు. రెండో వన్డేలో 9 పరుగుల వ్యక్తిగత స్కోరు వద్ద లారా (10,405)ను గేల్‌ అధిగమించాడు. ఈ మ్యాచ్‌కు ముందు గేల్‌ 10,397 పరుగులతో ఉన్నాడు. రెండు బ్రయాన్‌ లారా రికార్డులే బద్దలు కొట్టడం విశేషం. ఈ మ్యాచ్‌లో గేల్‌ (11; 24బంతుల్లో 1×4) తన ప్రభావం చూపలేకపోయాడు. భారత బౌలర్లను ఎదుర్కొలేక పరుగులు చేయడంలో విఫలమయ్యాడు. తడబడుతూ చివరకు 10వ ఓవర్‌లో ఎల్బీగా పెవిలియన్ చేరాడు.

గేల్‌కు నిరాశ:

మొదతో వన్డేలో కూడా గేల్‌ (4; 34బంతుల్లో) విఫలమయిన విషయం తెలిసిందే. వన్డే సిరీస్‌ తర్వాత భారత్‌తో టెస్టుల్లోనూ ఆడి అంతర్జాతీయ క్రికెట్‌కు గుడ్‌బై చెప్పాలని ఆశించిన గేల్‌కు నిరాశ ఎదురైంది. సెలక్టర్లు అతడికి టెస్టు జట్టులో అవకాశమివ్వలేదు. దీంతో ఇంకో ఒక్క వన్డేతో గేల్‌ కెరీర్‌ ముగియనుంది. మూడు మ్యాచ్‌ల వన్డే సిరీస్‌లో భారత్‌ 1-0తో బోణీ కొట్టింది. మూడో వన్డే ఈ నెల 14న జరగనుంది.

59 పరుగుల తేడాతో ఓటమి:

ఆదివారం వెస్టిండీస్‌తో జరిగిన రెండో వన్డేలో భారత్‌ 59 పరుగుల తేడాతో ఘన విజయం సాధించింది. వర్షం కారణంగా డక్‌వర్త్ లూయిస్ పద్ధతి ప్రకారం విండీస్ లక్ష్యాన్ని 46 ఓవర్లలో 270కి సవరించారు. టార్గెట్ ఛేజింగ్‌కు దిగిన విండీస్ భారత బౌలర్ల ధాటికి 42 ఓవర్లలో 210 పరుగులు చేసి ఆలౌట్ అయింది. ఓపెనర్‌ లూయిస్‌ (65; 80బంతుల్లో 8×4, 1×6), నికోలస్ పూరన్‌ (42; 52బంతుల్లో 4×4, 1×6)లు రాణించారు. భువనేశ్వర్‌ కుమార్‌ (4/31) చెలరేగాడు. అంతకుముందు టాస్‌ గెలిచి బ్యాటింగ్‌ ఎంచుకున్న భారత్ 50 ఓవర్లలో ఏడు వికెట్ల నష్టానికి 279 పరుగులు చేసింది. విరాట్ కోహ్లీ (120; 125 బంతుల్లో 14×4, 1×6) సెంచరీ చేసాడు.