ఫీల్డింగ్ ఎంచుకున్న చెన్నై.. జట్టులో రెండు మార్పులు

జైపూర్ వేదికగా చెన్నై సూపర్ కింగ్స్, రాజస్థాన్ రాయల్స్ జట్ల మధ్య మరోకొద్ది సేపట్లో మ్యాచ్ ప్రారంభం కానుంది. ఈ మ్యాచ్‌లో టాస్ నెగ్గిన చెన్నై కెప్టెన్ మహేంద్రసింగ్ ధోనీ ఫీల్డింగ్ ఎంచుకున్నాడు. ఈ మ్యాచ్‌లో చెన్నై రెండు మార్పులతో బరిలోకి దిగుతోంది. హర్భజన్, స్కాట్ స్థానాల్లో సాంట్నర్, శార్దూల్ ఠాకూర్ తుది జట్టులోకి వచ్చారు. మరోవైపు రాజస్థాన్ మూడు మార్పులు చేసింది. సాంసన్, పరాగ్, ఉనాద్కట్ జట్టులో చేరారు.

చెన్నై 6 మ్యాచ్‌లు ఆడగా.. ఐదింటిలో విజయం సాధించి పాయింట్ల పట్టికలో అగ్రస్థానంలో ఉంది. ఇక ఐదు మ్యాచ్‌లు ఆడిన రాజస్థాన్.. కేవలం ఒకదాంట్లో విజయం సాధించి పాయింట్ల పట్టికలో కింది నుంచి రెండో స్థానంలో ఉంది. ఈ నేపథ్యంలో సూపర్ ఫామ్ లో ఉన్న చెన్నైని రాజస్థాన్ ఎలా ఎదుర్కొంటుందో చూడాలి.

ఈ మ్యాచ్‌లో చెన్నై గెలిస్తే.. ధోనీ ఖాతాలో అరుదైన రికార్డు చేరుతుంది. ఇప్పటి వరకు 99 విజయాలతో ఉన్న చెన్నైకి.. ఈ మ్యాచ్‌ గెలిస్తే వందో విజయం అవుతుంది. అంతేకాదు వంద మ్యాచులు గెలిచినట్టు జట్టుకు కెప్టెన్‌గా వ్యవహరించిన ఘనత ధోనీకి దక్కుతుంది. ఐపీఎల్‌లో ఇప్పటి వరకు చెన్నై 165 మ్యాచులు ఆడి 99 మ్యాచుల్లో విజయం సాధించింది.

Teams:

Chennai Super Kings (Playing XI):
Shane Watson, Faf du Plessis, Suresh Raina, Ambati Rayudu, MS Dhoni(w/c), Kedar Jadhav, Ravindra Jadeja, Deepak Chahar, Mitchell Santner, Shardul Thakur, Imran Tahir

Rajasthan Royals (Playing XI):
Ajinkya Rahane(c), Jos Buttler(w), Steven Smith, Sanju Samson, Rahul Tripathi, Ben Stokes, Riyan Parag, Jofra Archer, Shreyas Gopal, Jaydev Unadkat, Dhawal Kulkarni