సహచర ఆటగాళ్ల కోసం చెఫ్ అవతారంలో:
జట్టులోని సహచర ఆటగాళ్ల కోసం చెఫ్ అవతారమెత్తాడు డూప్లెసిస్. చెన్నై సూపర్కింగ్స్ జట్టు కోచ్ స్టీఫెన్ ప్లెమింగ్.. డూప్లెసిస్కు సాయం చేస్తున్నాడు. ఇందుకు సంబంధించిన వీడియోను హర్భజన్ సింగ్ తన ట్విటర్ ద్వారా అభిమానులతో పంచుకున్నాడు. ‘హౌస్లో కొత్త చెఫ్లు. ఇద్దరూ కలిసి ఎంతో ఫేమస్ అయిన ‘న్యూజిలాండ్ లాంబ్ ఛాప్స్' వంటకాన్ని తయారు చేస్తున్నారు' అని భజ్జీ తెలిపాడు.
రెండు మ్యాచ్ల్లోనూ చెన్నై:
ముంబై ఇండియన్స్, కోల్కతా నైట్రైడర్స్తో ఆడిన రెండు మ్యాచ్ల్లోనూ చెన్నై సూపర్కింగ్స్ విజయం సాధించింది. టోర్నీలో భాగంగా తదుపరి మ్యాచ్లో చెన్నై.. కింగ్స్ ఎలెవన్ పంజాబ్ను ఢీకొట్టనుంది. ఈ మ్యాచ్లో డూప్లెసిస్ ఆడే అవకాశం ఉంది.
కూల్డ్రింక్స్ సరఫరా చేస్తూ కనిపించిన డూప్లెసిస్
గాయం కారణంగా ఐపీఎల్లో చెన్నై సూపర్కింగ్స్ ఆడిన రెండు మ్యాచ్లకు దూరమయ్యాడు దక్షిణాఫ్రికా ఆటగాడు డూప్లెసిస్. సొంత మైదానం చెపాక్లో కోల్కతా నైట్రైడర్స్పై జరిగిన మ్యాచ్లో చెన్నై ఆటగాళ్లకు కూల్డ్రింక్స్ సరఫరా చేస్తూ కనిపించి అభిమానుల మనసును గెలుచుకున్నాడు. ఈ క్రమంలోనూ అతడిపై ఆందోళనకారులు బూటు విసిరినా ఏమాత్రం ఆగ్రహం వ్యక్తం చేయకుండా.. దాన్ని తీసుకువచ్చి మైదానం బయట పడేశాడు.
రైనా, వాట్సన్, ఫ్లెమింగ్, తాహిర్, మైక్ హస్సీ:
మరోవైపు రెండు మ్యాచ్లు గెలిచిన ఆనందంలో ఉన్న చెన్నై టీమ్కు మరో రూపంలో షాక్ తగిలింది. కావేరీ ఆందోళనల నేపథ్యంలో ఐపీఎల్ మ్యాచ్లు చెన్నై నుంచి పుణెకు తరలిపోయిన విషయం తెలిసిందే. దీనిపై టీమ్ ప్లేయర్స్ ఆవేదన వ్యక్తం చేస్తూ ట్వీట్లు చేశారు. రైనా, వాట్సన్, ఫ్లెమింగ్, తాహిర్, మైక్ హస్సీ ట్విట్టర్లో తమ బాధను వ్యక్తీకరించారు.
రెండు మ్యాచ్లకు రైనా దూరం:
కోల్కత్తా నైట్ రైడర్స్తో ఏప్రిల్ 10న జరిగిన మ్యాచ్లో సునీల్ నరైన్ వేసిన 10వ ఓవర్లో సింగిల్ తీసే సమయంలో రైనా తీవ్రంగా ఇబ్బందిపడ్డాడు. కాలి గాయానికి వారం రోజుల విశ్రాంతి అవసరమని వైద్యులు సూచించడంతో సీఎస్కే ఈ నిర్ణయం తీసుకుంది. ఇప్పటికే సీఎస్కే ఆటగాడు కేదార్ జాదవ్ సీజన్ మొత్తానికి దూరమైన సంగతి తెల్సిందే. తాజాగా రైనా కూడా గాయపడటం సీఎస్కేకి పెద్ద ఎదురు దెబ్బే.