అరగంట ముందుగానే: ఐపీఎల్ ప్లే ఆఫ్, ఫైనల్ మ్యాచ్ సమయాల్లో మార్పు

హైదరాబాద్: ఐపీఎల్ సీజన్ 2019లోని ప్లేఆఫ్‌ మ్యాచ్‌లను అరగంట ముందుగా (రాత్రి 7.30 నుంచే) ప్రారంభించాలని బీసీసీఐ నిర్ణయం తీసుకుంది. ఈ మేరకు సోమవారం బీసీసీఐ అధికారిక షెడ్యూల్‌ని ప్రకటించింది. ఐపీఎల్‌లో రెండో మ్యాచ్ సాధారణంగా రాత్రి 8 గంటలకు ప్రారంభమవుతుంది.

ఐపీఎల్ 2019 రికార్డులు, గణాంకాలు, మ్యాచ్ స్కోరు వివరాల కోసం

స్లో ఓవర్‌ రేట్‌.. ఆటగాళ్ల డ్రింక్స్‌.. ఇన్నింగ్స్ కీలక సమయాల్లో కెప్టెన్, బౌలర్ చర్చలు.. ఫీల్డింగ్‌లో మార్పుల కోసం కెప్టెన్లు ఎక్కువ సమయం తీసుకోవడం.. మంచు కారణంగా బంతిపై పట్టు దొరకపోవడం లాంటి కారణాలతో మ్యాచ్‌లు అర్ధరాత్రి వరకు కొనసాగుతున్నాయి. వీటిని దృష్టిలో ఉంచుకుని ప్లేఆఫ్‌ మ్యాచ్‌లను అరగంట ముందుగా ప్రారంభించాలని బీసీసీఐ భావించింది.

ఏప్రిల్ 7న చెన్నైలో క్వాలిఫయర్-1 మ్యాచ్.. వైజాగ్‌లో 8, 10న ఎలిమినేటర్, క్వాలిఫయర్-2 మ్యాచ్‌లు జరగనున్నాయి. మే 12న హైదరాబాద్‌లోని ఉప్పల్ స్టేడియంలో ఫైనల్‌ మ్యాచ్ జరగనుంది. మరోవైపు ఇదే వేదికల్లో మహిళల టీ20 మ్యాచ్‌లు కూడా జరగనున్నాయి.