అచ్చం అదే డ్యాన్స్ మూమెంట్: బాక్సింగ్ డే టెస్టులో మైకేల్ జాక్సన్‌ను తలపించిన వేడ్!

బౌన్సర్లు, యార్కర్లను ఎదుర్కొనే క్రమంలో

అయితే, ఈ బౌన్సర్లు, యార్కర్లను ఎదుర్కొనే క్రమంలో వేడ్ క్రీజులో సరికొత్త భంగిమలను పెట్టాడు. అయితే, ఇందులో ఒకటి అచ్చం మైకేల్ జాక్సన్ డ్యాన్స్ మూమెంట్‌ని తలపించింది. దీంతో క్రికెట్ ఆస్ట్రేలియా ఆ ఫోజుని తన అధికారిక ట్విట్టర్‌లో పోస్టు చేస్తూ "వేడ్ నువ్వు బాగున్నారా? నువ్వు బాగున్నారా, వేడ్?" అంటూ కామెంట్ పెట్టింది.

వేడ్ ఫోటో పక్కనే

అంతేకాదు వేడ్ ఫోటో పక్కనే మైకేల్ జాక్సన్ డ్యాన్స్ మూమెంట్‌ని జత చేర్చింది. ప్రస్తుతం ఈ ఫోటో సోషల్ మీడియాలో వైరల్ అయింది. ఇదిలా ఉంటే, తొలిరోజు ఆతిథ్య జట్టే పైచేయి సాధించింది. తొలిరోజు ఆట ముగిసే సమయానికి ఆస్ట్రేలియా నాలుగు వికెట్లు కోల్పోయి 257 పరుగులు చేసింది. క్రీజులో స్టీవ్ స్మిత్(77), ట్రావిస్ హెడ్(25) పరుగులతో ఉన్నారు.

స్మిత్, లబుషేన్‌లు హాఫ్ సెంచరీలు

తొలిరోజు ఆటలో భాగంగా స్టీవ్ స్మిత్, లబుషేన్‌లు హాఫ్ సెంచరీలతో చెలరేగారు. ఈ హాఫ్ సెంచరీ సాధించడంతో పాటు ఆస్ట్రేలియా తరుపున టెస్టుల్లో అత్యధిక పరుగులు చేసిన ఆటగాళ్ల జాబితాలో గ్రెగ్ చాపెల్(7110) రికార్డుని అధిగమించాడు. అంతేకాదు స్టీవ్ స్మిత్ టాప్-10 జాబితాలో చేరిపోయాడు.

ఆస్ట్రేలియా తరుపున టెస్టుల్లో అత్యధిక పరుగులు చేసిన ఆటగాళ్లు:

13,378 - RT Ponting

11,174 - AR Border

10,927 - SR Waugh

8643 - MJ Clarke

8625 - ML Hayden

8029 - ME Waugh

7696 - JL Langer

7525 - MA Taylor

7422 - DC Boon

7111 - SPD SMITH*

7110 - GS Chappell

టీ విరామానికి 155/3

టీ విరామానికి 155/3తో నిలిచిన ఆస్ట్రేలియా ఆ తర్వాత మరింత దూకుడుగా ఆడింది. వేడ్-స్మిత్‌లు యాభైకి పైగా పరుగుల భాగస్వామ్యం నెలకొల్పారు. అయితే, జట్టు స్కోరు 216 పరుగుల వద్ద మాథ్యూ వేడ్(38) గ్రాండ్ హోమ్ బౌలింగ్‌లో వికెట్ కీపర్ వాట్లింగ్‌కు క్యాచ్ ఇచ్చి ఔటయ్యాడు.

తొలి రోజు పెద్ద ఎత్తున హాజరైన అభిమానులు

బాక్సింగ్ డే టెస్టు కావడంతో తొలి రోజు పెద్ద ఎత్తున అభిమానులు హాజరయ్యారు. తొలిరోజు మ్యాచ్‌కి 80,473 హాజరు కావడంతో ఎంసీసీలో సందడి వాతావరణం నెలకొంది. చివరగా ఈ రెండు జట్లు 1987లో బాక్సింగ్‌ డే (డిసెంబర్‌ 26) టెస్టులో తలపడ్డాయి. కివీస్ బౌలర్లలో గ్రాండ్‌హోమ్ రెండు వికెట్లు తీయగా... బౌల్ట్, వాగ్నెర్‌లకు చెరో వికెట్ లభించింది.