Click it and Unblock the Notifications
మిడిలార్డర్తో సత్తా చాటాలని
అఫ్గాన్తో మ్యాచ్లో మిడిలార్డర్ రాణించాలని కెప్టెన్ రోహిత్శర్మ కోరుకుంటున్నాడు. రషీద్ఖాన్ లాంటి నాణ్యమైన స్పిన్నర్ను ఎదుర్కొని మిడిలార్డర్ బ్యాట్స్మెన్ నిలవాలనేది అతని కోరిక. విరాట్ కోహ్లి లేని నేపథ్యంలో ధావన్ (327), రోహిత్ (269) మాత్రమే ఇప్పటిదాకా బ్యాటింగ్ భారాన్ని పంచుకున్నారు. మూడో స్థానంలో వస్తున్న అంబటి రాయుడు (116) ఫర్వాలేదనిపించాడు. కేదార్ జాదవ్, ధోని, దినేశ్ కార్తీక్లకు ఇప్పటిదాకా బ్యాటింగ్ అవకాశాలు తక్కువగా వచ్చాయి.
ధోనీ ఈ మ్యాచ్లోనైనా
కేదార్ 27 బంతులే ఎదుర్కోగా.. ధోని 40 బంతులే ఆడాడు. మునుపటిలా వేగంగా ఆడలేకపోతున్న మహి.. అఫ్గాన్పైనైనా జూలు విదుల్చుతాడేమో చూడాలి. ఈ టోర్నీలో ఇప్పటిదాకా అవకాశం దక్కని కేఎల్ రాహుల్, మనీష్ పాండేలకు కూడా ఈ మ్యాచ్లో చోటు కల్పించే అవకాశాలున్నాయి. ధావన్ స్థానంలో రాహుల్.. రాయుడు స్థానంలో పాండే జట్టులోకి వచ్చే అవకాశాలున్నాయి.
అఫ్గాన్పై ప్రతాపం చూపాలని బౌలర్లు
బౌలింగ్లో భారత్కు తిరుగేలేదని చెప్పాలి. పేసర్లు బుమ్రా (7 వికెట్లు), భువనేశ్వర్ కుమార్ (6 వికెట్లు)లతో పాటు స్పిన్నర్లు చాహల్ (5 వికెట్లు), కుల్దీప్ యాదవ్ (5 వికెట్లు) అద్భుతంగా బౌలింగ్ చేస్తున్నారు. ముఖ్యంగా బుమ్రా, భువి.. ఆరంభ, స్లాగ్ ఓవర్లలో అదరగొడుతున్నారు. పాక్తో మ్యాచ్లో వీళ్లిద్దరి బౌలింగే ఇందుకు ఉదాహరణ.
చివరి మ్యాచ్లో ఆడించే అవకాశాలు
ఫైనల్ను దృష్టిలో ఉంచుకుని వీరికి విశ్రాంతినిచ్చి రిజర్వ్ బెంచ్ మీదున్న దీపక్ చాహర్, సిద్ధార్థ్ కౌల్లకు చివరి మ్యాచ్లో ఆడించే అవకాశాలు లేకపోలేదు. అరంగేట్రంలో ఆకట్టుకున్న ఖలీల్ అహ్మద్ కూడా అఫ్గాన్తో మ్యాచ్ ఆడే అవకాశాలున్నాయి. మరోవైపు భారత్కు షాకిచ్చి ఈ టోర్నీని గొప్పగా ముగించాలని అఫ్గాన్ పట్టుదలతో ఉంది.
జట్ల అంచనా, పిచ్ స్వభావం:
భారత్: రోహిత్ (కెప్టెన్), ధవన్, రాయుడు, దినేశ్ కార్తీక్/రాహుల్, ధోనీ, కేదార్ జాదవ్, జడేజా, కుల్దీప్, భువ నేశ్వర్/ఖలీల్ అహ్మద్, బుమ్రా/దీపక్ చా హర్, చాహల్.
అఫ్ఘానిస్థాన్: మహ్మద్ షెహజాద్, ఇషానుల్లా, రహమత్ షా, హస్మతుల్లా షాహిది, అస్గర్ అఫ్ఘన్ (కెప్టెన్), మహ్మద్ నబీ, సమీయుల్లా షన్వరీ, గుల్బదిన్ నయీబ్, రషీద్ ఖాన్, అఫ్తాబ్ ఆలమ్, ముజీబుర్ రహమాన్.
పిచ్: స్పిన్నర్లకు అనుకూలించే అవకాశ ముం ది. బ్యాట్స్మెన్ కూడా భా రీగా పరుగులు సాధించవచ్చు.
Continue with Google