గ్యారీ సోబర్స్ను వెనక్కినెట్టి:
ఇంగ్లండ్పై సాధించిన తాజా సెంచరీ స్మిత్కు 11వది. దీంతో ఇంగ్లండ్ జట్టుపై అత్యధిక టెస్టు సెంచరీలు చేసిన రెండో బ్యాట్స్మన్గా నిలిచాడు. వెస్టిండీస్ లెజెండ్ గ్యారీ సోబర్స్ (10)ను అధిగమించి ఇంగ్లండ్పై అత్యధిక సెంచరీలు సాధించిన బ్యాట్స్మన్ జాబితాలో రెండవ స్థానాన్ని దక్కించుకున్నాడు. ఈ జాబితాలో సర్ డాన్ బ్రాడ్మాన్ (19) అగ్రస్థానంలో ఉన్నాడు. ఈ ఫామ్ ఇలాగే కొనసాగిస్తే బ్రాడ్మాన్ను అధిగమించే అవకాశం ఉంది. వా (10), చాపెల్ (9), బోర్డర్ (8)లు తర్వాతి స్థానాల్లో కొనసాగుతున్నారు.
ఏకైక బ్యాట్స్మన్ స్మిత్:
మరొకవైపు ఒక ప్రత్యర్థి జట్టుపై అత్యధిక టెస్టు సెంచరీలు జాబితాలో స్మిత్ నాలుగో స్థానానికి చేరుకున్నాడు. ఈ జాబితాలో డాన్ బ్రాడ్మన్ (19 సెంచరీలు, ఇంగ్లండ్పై), సునీల్ గావస్కర్ (13 సెంచరీలు, వెస్టిండీస్పై), జాకబ్ హాబ్స్ (12 సెంచరీలు, ఆసీస్పై)లు స్మిత్ కంటే ముందు ఉన్నారు. గత 25 ఏళ్లలో ఇంగ్లండ్ గడ్డపై డబుల్ సెంచరీలు సాధించిన ఏకైక బ్యాట్స్మన్ స్మిత్ మాత్రమే.
మూడో డబుల్ సెంచరీ:
యాషెస్ సిరీస్లో మూడో డబుల్ సెంచరీని స్మిత్ తన ఖాతాలో వేసుకున్నాడు. యాషెస్ సిరీస్లో డాన్ బ్రాడ్మన్ (8), వాలీ హమ్మాండ్ (4)లు మాత్రమే స్మిత్ కంటే ముందున్నారు. ఈ యాషెస్ సిరీస్లో ఇప్పటివరకూ స్మిత్ 147. 25 సగటుతో 589 పరుగులు సాధించడం మరొక విశేషం. టెస్ట్ ఫార్మాట్లో స్మిత్ 26వ సెంచరీ చేసాడు. తక్కువ ఇన్నింగ్స్లో 26 సెంచరీలు సాధించిన ఆటగాళ్ల జాబితాలో సచిన్ను దాటి రెండో స్థానంలో నిలిచాడు. స్మిత్ 121 ఇన్నింగ్స్ల్లో 26 సెంచరీలు చేయగా.. సచిన్ 136 ఇన్నింగ్స్ల్లో చేశాడు.