వైస్ కెప్టెన్గా బెన్ స్టోక్స్
ఈ జట్టుకు జో రూట్ కెప్టెన్గా వ్యవహారిస్తుండగా... ఆల్రౌండర్ బెన్ స్టోక్స్కు మళ్లీ వైస్ కెప్టెన్సీ లభించింది. 2017 సెప్టెంబర్లో బ్రిస్టల్లోని ఓ నైట్క్లబ్లో గొడవ కారణంగా వైస్ కెప్టెన్ స్థానాన్ని బెన్ స్టోక్స్ కోల్పోయిన సంగతి తెలిసిందే. అయితే, ఈ గొడవలో స్టోక్స్కు క్లీన్చిట్ రావడం, నిలకడగా రాణిస్తుండడంతో మరోసారి నియమితుడయ్యాడు.
జట్టులో చోటు దక్కించుకున్న జేమ్స్ ఆండర్సన్
గాయంతో ఐర్లాండ్తో ఏకైక టెస్టుకు దూరమైన సీనియర్ పేసర్ జేమ్స్ ఆండర్సన్ కూడా జట్టులోకి వచ్చాడు. ఐర్లాండ్తో జరిగిన ఏకైక టెస్టు మ్యాచ్ రెండో ఇన్నింగ్స్లో ఓపెనర్గా వచ్చి 92 పరుగులు చేసి మ్యాన్ ఆఫ్ ది మ్యాచ్గా నిలిచిన లీచ్కు మాత్రం సెలక్టర్లు మొండిచేయి చూపించారు. ఐదు టెస్టుల యాషెస్ సిరీస్ ఆగస్టు 1న ఆరంభమవుతుంది.
యాషెస్ సిరిస్కు ఇంగ్లండ్ జట్టు :
జో రూట్(కెప్టెన్), మొయిన్ అలీ, జేమ్స్ అండర్సన్, జోఫ్రా ఆర్చర్, జానీ బెయిర్స్టో, స్టువర్ట్ బ్రాడ్, రోరీ బర్న్స్, జోస్ బట్లర్(వికెట్ కీపర్), సామ్ కరన్, జో జెన్లీ, జేసన్ రాయ్, బెన్ స్టోక్స్, ఒల్లీ స్టోన్స్, క్రిస్ వోక్స్.