టెస్టుల్లో రికార్డులివే: క్రికెట్‌కు వీడ్కోలు పలికిన అలెస్టర్ కుక్

Alastair Cook retires from international cricket

హైదరాబాద్: క్రికెట్ అభిమానులకు చేదువార్త. అంతర్జాతీయ క్రికెట్‌ నుంచి వైదొలుగుతున్నట్లు ఇంగ్లాండ్ మాజీ కెప్టెన్ అలెస్టర్ కుక్ ప్రకటించాడు. ఐదు టెస్టు మ్యాచ్‌ల సిరిస్‌లో భాగంగా సెప్టెంబర్ 7(శుక్రవారం) నుంచి భారత్‌తో మొదలయ్యే చివరి టెస్టే తన కెరీర్‌లో ఆఖరి మ్యాచ్ అని కుక్ ప్రకటించాడు.

తన రిటైర్మెంట్‌పై కుక్ మాట్లాడుతూ "రిటైర్మెంట్ ప్రకటించడం బాధాకరమే అయినా నేను క్రికెట్ కోసం అన్నీ ఇచ్చానన్న సంతృప్తి నాకు ఉంది. నేను ఎప్పుడూ ఊహించని రికార్డులను సాధించాను. ఇంగ్లండ్ జట్టులో ఇంతకాలంగా నేను ఆడటం ఎంతో సంతోషంగా.. గౌరవంగా ఉంది. ఇక కొందరు జట్టు సభ్యులతో డ్రెస్సింగ్ రూంని పంచుకోలేను అని తెలిసి కాస్త బాధగా ఉంది. కానీ ఇందుకు ఇదే సరైన సమయం" అని కుక్ చెప్పాడు.

"నేను పిల్లాడిగా మా గార్డెన్‌లో క్రికెట్ ఆడుతున్నప్పటి నుంచి క్రికెట్ అంటే నాకు ప్రాణం. ఇంగ్లండ్ షర్ట్‌ని తీసేయం చాలా కష్టమే.. కానీ భవిష్యత్తు తరాలను దృష్టిలో పెట్టుకొని, యువ క్రికెటర్లకు మరిన్ని అవకాశాలు దక్కాలనే ఇది చేస్తున్నాను. వాళ్లు మా దేశానికి ప్రతినిధ్యం వహించి మనల్ని మరింత అలరించాలని కోరుకుంటున్నా'' అని కుక్ తెలిపాడు.

Alastair Cook👇

“I have loved cricket my whole life from playing in the garden as a child and will never underestimate how special it is to pull on an England shirt.

So I know it is the right time to give the next generation of young cricketers their turn to entertain us” pic.twitter.com/7lLwzbKwkv
— Test Match Special (@bbctms) September 3, 2018

ట్విట్టర్‌లో అధికారిక ప్రకటన

ఈ మేరకు సోమవారం ఇంగ్లాండ్ అండ్ వేల్స్ క్రికెట్ బోర్డు (ఈసీబీ) తన ట్విట్టర్‌లో అధికారిక ప్రకటన చేసింది. 33 ఏళ్ల కుక్ టెస్టు క్రికెట్‌లో అత్యధిక పరుగులు చేసిన ఆటగాళ్ల జాబితాలో ఆరోస్థానంలో ఉన్నాడు. ఇంగ్లాండ్ జట్టు తరుపున అలెస్టర్ కుక్ అనేక రికార్డులను నమోదు చేశాడు. ఇప్పటివరకు టెస్టుల్లో ఇంగ్లాండ్ జట్టు తరుపున 160 టెస్టులు ఆడిన కుక్.. 12254 పరుగులు చేశాడు. ఇందులో 32 సెంచరీలు, 56 అర్ధ శతకాలు ఉన్నాయి. టెస్టుల్లో కుక్ యావరేది 44.88గా ఉంది. 2016లో 10వేల పరుగుల మైలురాయిని చేరుకున్న అతి చిన్న క్రికెటర్‌గా రికార్డు కుక్ సృష్టించాడు.

🚨 BREAKING NEWS 🚨

Alastair Cook has announced his retirement from international cricket.#ThankYouChef pic.twitter.com/QXcoB4auZv
— MyKhel Telugu (@myKhelTelugu) September 3, 2018

అత్యధిక పరుగులు చేసిన క్రికెటర్‌గా

ఈ ఫీట్‌ని అతను 31 సంవత్సరాల, 157 రోజుల్లో సాధించాడు. అంతకు ముందు ఈ రికార్డు టీం ఇండియా క్రికెట్ దిగ్గజం సచిన్ టెండూల్కర్ పేరిట ఉండేది. ఇంగ్లాండ్ తరఫున టెస్టుల్లో అత్యధిక పరుగులు చేసిన క్రికెటర్‌గా చరిత్ర సృష్టించాడు. ఒకనొక దశలో కుక్ ఫామ్‌ని చూసి సచిన్ రికార్డులు బద్ధలు కొడతాడని భావించారు. గత, కొంతకాలంగా కుక్ ఫామ్ కోల్పోయి తంటాలు పడుతున్నాడు. ఈ ఏడాది టెస్టుల్లో అతని సగటు కేవలం 18.62 మాత్రమే. ప్రస్తుతం టీమిండియాతో జరుగుతున్న ఐదు టెస్టు మ్యాచ్‌‌ల సిరిస్‌లో కుక్ పేలవ ప్రదర్శన కనబరుస్తున్నాడు.

కుక్‌కు ఇదే తొలిసారి

మూడు అంతకన్నా ఎక్కువ టెస్టుల్లో కనీసం యాభైకి పైగా స్కోరు కూడా చేయకపోవడం కుక్‌కు ఇదే తొలిసారి. 2008 నుంచి ఒక క్యాలెండర్ ఇయర్ తొలి తొమ్మిది టెస్టుల్లో ఒక్క సెంచరీ కూడా చేయలేకపోవడం కూడా అతనికి ఇదే తొలిసారి. టెస్టు క్రికెట్ చరిత్రలో 6వేలు, 7వేలు, 8వేలు, 9వేలు, 10వేలు, 11వేలు, 12 వేల పరుగులు చేసిన అత్యంత పిన్న వయస్కుడిగా కుక్ అరుదైన ఘనత సాధించాడు. అంతేకాదు ఇంగ్లాండ్ జట్టుకు 59 టెస్టుల్లో కెప్టెన్సీ కూడా వహించాడు. 2013, 2015 యాషెస్ సిరీస్‌లు గెలవడం అలెస్టర్ కుక్ జీవితంలో మరిచిపోలేని సిరిస్‌లు. ఇండియా, దక్షిణాఫ్రికాల్లో సిరీస్ విజయాలు సాధించిన ఘనత కూడా అలెస్టర్ కుక్ సొంతం.

Alastair Cook👇

🏏Most Tests for England.

🏏Most Test runs for England.

🏏Most Tests as captain for England.

🏏Most Test centuries for England.

Well played chef 👩‍🍳 #bbccricket pic.twitter.com/3GoDVEP4Bf
— Test Match Special (@bbctms) September 3, 2018