World Test championship: ఇంగ్లాండ్‌పై గెలుపుతో అగ్రస్థానంలో సౌతాఫ్రికా.. ఏ జట్టు ఏ స్థానంలో ఉందంటే?

అగ్రస్థానంలో పాతుకుపోతున్న దక్షిణాఫ్రికా

ఇక వరల్డ్ టెస్ట్ ఛాంపియన్ షిప్ పాయింట్ల విషయానికొస్తే.. ప్రస్తుతం 75శాతం విన్నింగ్ పర్సంటేజీ (పీసీటీ)తో దక్షిణాఫ్రికా WTC పాయింట్ల పట్టికలో అగ్రస్థానంలో ఉంది. పాట్ కమ్మిన్స్ నేతృత్వంలోని ఆస్ట్రేలియా 70శాతంతో రెండో స్థానంలో నిలిచింది.

గత నెలలో శ్రీలంకలో ఓటమికి ముందు ఆసీస్ వరల్డ్ టెస్ట్ ఛాంపియన్ షిప్లో నంబర్ వన్ పొజిషన్లో ఉండేది. అయితే రెండో టెస్టులో శ్రీలంక చేతిలో ఆసీస్ ఓడడంతో.. ఆ జట్టు ఓ స్థానం దిగజారి రెండో స్థానానికి పడిపోయింది. ఇక శ్రీలంక 53.33%శాతంతో వరల్డ్ టెస్ట్ ఛాంపియన్ షిప్లో మూడో స్థానానికి చేరుకుంది.

వరుసగా నాలుగు, ఐదు, ఆరు స్థానాల్లో..

గత నెలలో ఇంగ్లాండ్‌తో రీషెడ్యూల్ చేయబడిన అయిదో టెస్ట్ మ్యాచ్‌లో ఓటమితో భారత్ విన్నింగ్ పర్సంటేజీ తగ్గిపోయింది. ప్రస్తుతం భారత విన్నింగ్ పర్సంటేజీ 52.08శాతంతో నాలుగో స్థానానికి పడిపోయింది. ఇక భారత్‌కు దరిదాపుల్లోనే పాకిస్థాన్ (51.85%), వెస్టిండీస్ (50%) శాతాలతో ఐదు, ఆరో స్థానాల్లో కొనసాగుతున్నాయి. ఇక భారత్ ముందు ఆస్ట్రేలియా లాంటి జట్టును టెస్టుల్లో ఎదుర్కోవాల్సి ఉంది.

చివరి మూడు స్థానాల్లో..

ఇకపోతే దక్షిణాఫ్రికా చేతిలో ఘోర ఓటమి తర్వాత ఇంగ్లాండ్ మళ్లీ తన విన్నింగ్ పర్సంటేజీని స్వల్పంగా కోల్పోయింది. ప్రస్తుతం ఇంగ్లాండ్ 31.37% PCTతో ఏడో స్థానంలో కొనసాగుతుంది. ప్రస్తుత వరల్డ్ టెస్ట్ ఛాంపియన్స్ అయిన న్యూజిలాండ్ 25.93% పాయింట్ల శాతంతో ఎనిమిదో స్థానంలో కొనసాగుతుంది. ఇక ఆ జట్టు టెస్ట్ ఛాంపియన్ షిప్ ఆశలు వదులుకోవాల్సిందే. ఇక బంగ్లాదేశ్ 13.33% PCTతో అట్టడుగున తొమ్మిదో స్థానంలో ఉంది.