కసాయి వాడి చెంతకు గొర్రెపిల్లను పంపినట్లు ఏంటా చెత్త కెప్టెన్సీ కేన్? కాస్త బుర్ర పెట్టు

చెత్త డిసిషన్ తీసుకున్న విలియమ్సన్

కేకేఆర్‌తో ఇటీవల జరిగిన మ్యాచ్‌లో సన్ రైజర్స్ కెప్టెన్ విలియమ్సన్ ఓ చెత్త డిసిషన్ తీసుకున్నాడు. ఆఖరి ఓవర్లో ఆఫ్ స్పిన్నర్ వాషింగ్టన్ సుందర్‌ చేత బౌలింగ్ చేయించాడు. ఇక ఆ ఓవర్లో ఆండ్రీ రస్సెల్ క్రీజులో ఉండి సిక్సర్లతో బదులిచ్చాడు. దీంతో స్కోరు బోర్డు పరుగులెత్తింది. ఇక ఈ సీజన్‌లో ఈ రెండు జట్లు తొలిసారి తలపడినప్పుడు కూడా కెప్టెన్ విలియమ్సన్ ఆఖరి ఓవర్లో జగదీశ్ సుచిత్ చేత బౌలింగ్ చేయించాడు.

అప్పుడు కూడా రసెల్ వీరవిహారం చేశాడు. ఇలా ఓసారి దెబ్బతిన్నా బుద్ధి లేకుండా విచిత్రమైన వ్యూహం అమలుపరుస్తున్న కేన్ చర్యలకు ఆకాష్ చోప్రా అయోమయానికి గురవుతున్నట్లు పేర్కొన్నాడు.

నాకైతే కేన్ ఏం చేస్తున్నాడో అర్థం కావడం లేదు

విలియమ్సన్ వ్యూహాన్ని ప్రశ్నించిన ఆకాష్ చోప్రా మాట్లాడుతూ..'నాకసలు అర్థం కాదు. కేన్ ఒక కెప్టెన్, అతను ఇది వరకే లాస్ట్ ఓవర్ స్పిన్నర్‌తో వేయించి దెబ్బతిన్నాడు. అది ఇంకా పరిశీలించకుండా మళ్లీ మళ్లీ తప్పులు చేస్తున్నాడు. బ్రబౌర్న్ స్టేడియంలో కేకేఆర్‌తో జరిగిన మ్యాచ్‌లో జగదీశ సుచిత్ చేత చివరి ఓవర్ బౌలింగ్ చేయించి మూల్యం చెల్లించాడు.

ఇప్పుడేమో వాషింగ్టన్ సుందర్‌ను బలిపశువు చేశాడు. అసలు రసెల్ లాంటి హిట్టర్ ఉన్నప్పుడు కేన్ విలియమ్సన్‌కు ఎలా స్పిన్నర్‌కు బౌలింగ్ ఇవ్వబుద్ధైందో నాకైతే అర్థం కావడం లేదు' అని చోప్రా పేర్కొన్నాడు.

రసెల్ బ్యాటింగ్ చేస్తే స్పిన్నర్లను పంపిస్తారా?

'కేన్ విలియమ్సన్ నిస్సందేహంగా అత్యుత్తమ క్రికెటర్లలో ఒకడు. కానీ ఇప్పుడు అతని మైండ్ రెండుసార్లు పనివ్వలేదు. అది కూడా ఆండ్రీ రస్సెల్‌కి వ్యతిరేకంగా అతను చెత్త ప్రయోగం చేశాడు. అతను ఎలా వ్యవహరించడంటే గొర్రెపిల్లను కసాయి వాడి చెంతకు పంపించినట్లు స్పిన్నర్లను లాస్ట్ ఓవర్లో రసెల్‌ను ఎదుర్కోవడానికి పంపించాడు. రసెల్ బ్యాటింగ్ చేస్తుండగా స్పిన్నర్లను పంపిస్తే ఏం జరుగుతుంది.

కసాయివాడు గొర్రెపిల్లను కోసినట్లు.. రసెల్ స్పిన్నర్ల బౌలింగ్‌ను చీల్చిచెండాడుతాడు.' అని పేర్కొన్నాడు. ఇకపోతే ప్లేఆఫ్‌లలో అర్హత సాధించడానికి సన్ రైజర్స్ మిగిలిన రెండు మ్యాచ్‌లలో గెలవాల్సిన అవసరముంది. అయినా సన్ రైజర్స్ ప్లేఆఫ్ చేరడానికి మిగతా జట్ల జయాపజయాలు కూడా కీలకమవుతాయి.