Aakash Chopra: పుజారాలా పంత్.. కోహ్లీలా రహానే ఆడలేడు.. దూకుడుగా ఆడటమే సరైన వైఖరి కాదు..

పుజారా, రహానే రాణిస్తారు..

దాంతో రెండు ఇన్నింగ్స్‌ల్లో విఫలమైన చతేశ్వర్ పుజారాను జట్టులో నుంచి తీసేస్తారనే ప్రచారం తెరపైకి వచ్చింది. తాజాగా తన యూట్యూబ్ చానెల్ వేదికగా మాట్లాడిన ఆకాశ్ చోప్రా ముందు అభిమానులు ఇదే విషయాన్ని ప్రస్తావించగా కోహ్లీ చేసిన వ్యాఖ్యలు పుజారాను ఉద్దేశించి చేసినవి కాదన్నాడు.'అప్‌కమింగ్ ఇంగ్లండ్‌ సిరీస్‌లో చతేశ్వర్ పుజారా, రహానే అద్భుతంగా రాణిస్తారు. ఈ విషయంలో నాకైతే ఎలాంటి సందేహం లేదు. ఇక జట్టులో ప్రతి ఒక్కరి ఒక్కో స్టైల్ ఉంది. పుజారాలా పంత్, రహానేలా కోహ్లీ ఆడలేడనే విషయాన్ని మనం గ్రహించాలి. ఎవరి శైలి వారిదే. దాన్ని మనం గౌరవించాల్సిందే.

కోహ్లీ ఉద్దేశం అది కాదు..

నాకు తెలిసి కోహ్లీ చేసిన వ్యాఖ్యలు ఆటగాళ్లను ఉద్దేశించినవి అయితే కావు. ముఖ్యంగా రహానే, పుజారా స్లో బ్యాటింగ్ గురించి కూడా కావు. డ్రెస్సింగ్ రూమ్ ఆలోచన విధానం గురించి అయ్యుంటుంది. ఆటగాళ్ల పాజిటివ్ థింకింగ్ గురించి అయ్యుండొచ్చు. పుజారా, రహానే గురించి కోహ్లీ మాట్లాడాడని నేను అనుకోవడం లేదు. అసలు ఇంటెంట్ అంటే ఏంటి? కొలిన్ డీ గ్రాండ్ హోమ్ ఆడినట్లా? లేక సెకండ్ ఇన్నింగ్స్‌లో పంత్ ఆడినట్లా?

ఇంటెంట్ అంటే..?

రోహిత్ శర్మ తన శైలికి భిన్నంగా జట్టు అవసరాల మేరకు నెమ్మదిగా ఆడటం పాజిటివ్ ఇంటెంట్. రిషభ్ పంత్ దూకుడుగా ఆడినప్పటికీ అది జట్టుకు పనికొచ్చేది కాదు. కాబట్టి అతనిది సరైన ఇంటెంట్ కాదు. ఇంటెంట్ అంటే సిడ్నీ టెస్ట్‌లో బౌలర్లకు అడ్డుగోడలా నిల్చొని బంతులను తగిలించుకున్న పుజారాది. అదే టెస్ట్‌లో ప్రతికూలతల మధ్య డ్రా కోసం పోరాడిన అశ్విన్, విహారిలది ఇంటెంట్. 'అని చోప్రా చెప్పుకొచ్చాడు.