టీ20ల్లో హీరో.. వన్డేల్లో మాత్రం జీరో! వెస్టిండీస్ టీమ్ వైఫల్యాలకు అసలు కారణాలు ఇవే!!

నిలకడగా ఆడే ప్లేయర్స్ లేరు

వన్డే ఫార్మాట్‌లో వెస్టిండీస్‌కు స్థిరత్వం లేకపోవడమే వారి పరాజయాలకు అసలు కారణం. ఒక మ్యాచులో పరుగులు చేసిన బ్యాట్స్‌మన్‌ గాని, వికెట్లు తీసిన బౌలర్ గాని మరో మ్యాచులో మోస్తరు ప్రదర్శనకే పరిమితమవుతారు. మ్యాచ్ గెలిపించడానికి ఫలానా ప్లేయర్ ఉన్నాడులే అని ధీమా ఉన్న సందర్భమే లేదు. ఒక సిరీస్‌లో ఆడిన ప్లేయర్.. మరో సిరీస్‌లో ఉండడు. నిలకడగా ఆడే ప్లేయర్ ఒకరు కూడా జట్టులో లేడు. ప్లేయర్స్ జట్టులోకి వస్తూ పోతూ ఉంటారు. నిజం చెప్పాలంటే.. ప్రస్తుతం విండీస్‌కు సరైన వన్డే జట్టు లేదు. కెప్టెన్ కూడా బెంచ్ మీద ఉన్నాడంటే పరిస్థితి అర్ధం చేసుకోవచ్చు. ఆసీస్ పర్యటనలో ఇదే జరిగింది.

సరైన తుది జట్టు లేదు

సరైన తుది జట్టును ఎంచుకోకపోవడం కూడా వెస్టిండీస్ క్రికెట్ టీమ్ వన్డేలో ఓడిపోతుంది. కెప్టెన్ కిరన్ పోలార్డ్ జట్టును పదేపదే మార్చుతుంటాడు. క్రిస్ గేల్, షై హాప్, డారెన్ బ్రేవో, డ్వేన్ బ్రేవో, లెవీస్, పూరన్ పోలార్డ్, హేట్మియర్, హోల్డర్, జోసెఫ్, కాట్రేల్ వంటి స్టార్ ఆటగాళ్లకు కూడా తుది జట్టులో స్థానం ఉండదు. మేనేజ్మెంట్ కూడా ఆటగాళ్లకు నిరూపించుకోవడానికి ఎక్కువ అవకాశాలు ఇవ్వట్లేదు. దీంతో మ్యాచ్, మ్యాచుకు ప్లేయర్స్ మారుతుంటారు. దీంతో ప్లేయర్స్ మధ్య సరైన అవగాహన లేక పరుగులు చేయలేకపోతున్నారు. మంచి భాగస్వామ్యాలు కూడా కరువయ్యాయి.

జూనియర్ మీరాబాయి చాను.. టీవీలో చూస్తూ అచ్చం దించేసిందిగా (వీడియో)!

అందరూ టీ20 ఆటగాళ్లే

ప్రస్తుతం విండీస్ జట్టులో ఉన్నవారు అందరూ టీ20 ఆటగాళ్లే. వేతనాలు తక్కువ కాబట్టి ప్రపంచ వ్యాప్తంగా ఉన్న లీగుల్లో ఆడాడనికి కరేబియన్ ప్లేయర్స్ ఆసక్తిచూపిస్తారు. అంతర్జాతీయ జట్టుకు కాకుండా ప్రైవేట్ లీగుల్లో ఆడిన ప్లేయర్స్ కూడా జట్టులో ఉన్నారు. టీ20 ఫార్మాట్‌కు అలవాటుపడడంతో బాదుడే లక్ష్యంగా ఆడుతారు. టెస్ట్, వన్డేల్లో కూడా టీ20 ఫార్మాట్‌ లాగే ఆడతారు. అందుకే భారీ స్కోర్లు చేయలేకపోతున్నారు. ఒక్కోసారి 50 ఓవర్లు ఆడడానికి ఆపసోపాలు పడుతున్నారు. దీంతో తక్కువ పరుగులకే ఆలౌట్ అవుతున్నారు. టీ20 ఫార్మాట్.. విండీస్ వన్డేలపై ప్రభావం చూపింది.

బ్యాటింగ్ వైఫల్యం

బ్యాటింగ్ వైఫల్యం కారణంగానే ఆస్ట్రేలియా జట్టుపై వెస్టిండీస్ వన్డేల్లో పరాజయాలను ఎదుర్కొంటోంది. తొలి వన్డేలో పోలార్డ్ చేసిన 56 పరుగులే అత్యధికం. సగానికి పైగా మంది సింగల్ డిజిట్‌కే వెనుదిరిగారు. రెండో వన్డేలో పూరన్, హోల్డర్ హాఫ్ సెంచరీలతో మెరిశారు. మూడో మ్యాచులో లెవీస్ తప్ప అందరూ విఫలమయ్యారు.

వన్డేల్లో ఒక బ్యాట్స్‌మన్‌ ఆడితే.. భారీ స్కోర్ అవకాశం ఉండదు. ఇదే విండీస్ జట్టును దెబ్బతీస్తోంది. ఇక ఆసీస్ పేసర్ మిచెల్ స్టార్క్ కూడా కరేబియన్లను దెబ్బకొట్టాడు. తొలి వన్డేలో 5, రెండో వన్డేలో 3, మూడో వన్డేలో 3 వికెట్లు పడగొట్టాడు. మొత్తంగా 11 వికెట్లు పడగొట్టిన స్టార్క్.. విండీస్ భారీ స్కోర్ చేయకుండా అడ్డుకున్నాడు.