స్విస్ ఓపెన్: నిరాశ పరిచిన సాయిప్రణీత్‌, రన్నరప్‌తో సరి

అద్భుతమైన డ్రాప్‌ షాట్‌తో

ఓ అద్భుతమైన డ్రాప్‌ షాట్‌తో ఆ గేమ్‌ను సొంతం చేసుకున్నాడు. ఆ వెంటనే మరో మూడు పాయింట్లతో 18-12కు ఆధిక్యాన్ని పెంచుకున్నాడు. కానీ ఈ దశలో కళ్లు చెదిరే స్మాష్‌లతో చెలరేగిన చైనీస్ ప్లేయర్ వరుసగా పాయింట్లు సాధిస్తూ 19-19తో స్కోరును సమం చేశాడు. దీంతో వరుసగా రెండు పాయింట్లు నెగ్గి గేమ్‌ను చేజిక్కించుకున్నాడు.

7-4తో ఆధిక్యం చాటుకున్న ప్రణీత్‌

ఇక, రెండోగేమ్‌ ఆరంభంలో 7-4తో ఆధిక్యం చాటుకున్న ప్రణీత్‌కు చెక్‌పెడుతూ షి యుకి వరుసగా ఏడు పాయింట్లు కొల్లగొట్టి 11-7తో ముందుకెళ్లాడు. విరామం తర్వాతా అదేజోరు చూపిన చైనా షట్లర్‌ అదే జోరులో 18-21తో రెండోగేమ్‌ సొంతం చేసుకున్నాడు. ఇక నిర్ణాయక గేమ్‌లో ప్రణీత్‌ పదేపదే పొరపాట్లు చేసి 12-21తో ఆ గేమ్‌తో పాటు మ్యాచ్‌ను కోల్పోయాడు.

ఫైనల్‌ చేరడం ప్రణీత్‌కిదే తొలిసారి

2017లో స్విస్‌ ఓపెన్‌, థాయ్‌లాండ్‌ ఓపెన్‌ గ్రాండ్‌ ప్రీ తర్వాత అంతర్జాతీయ టోర్నీలో ఫైనల్‌ చేరడం ప్రణీత్‌కిదే తొలిసారి కావడం విశేషం. విజేత షి యుకికి 11,250 డాలర్లు (రూ. 7 లక్షల 75 వేలు)... రన్నరప్‌ సాయిప్రణీత్‌కు 5,700 డాలర్లు (రూ. 3 లక్షల 93 వేలు) ప్రైజ్‌మనీగా లభించింది.

సాయి ప్రణీత్ మాట్లాడుతూ

మ్యాచ్ అనంతరం సాయి ప్రణీత్ మాట్లాడుతూ "చాలా రోజుల తర్వాత నా ఆటతీరు సంతృప్తినిచ్చింది. ఫైనల్లో రెండో గేమ్‌లో కీలకదశలో రెండేసి పాయింట్ల చొప్పున కోల్పోవడం మలుపు తిప్పింది. సెమీఫైనల్లో రియో ఒలింపిక్స్‌ చాంపియన్‌ చెన్‌ లాంగ్‌పై సాధించిన గెలుపు నా కెరీర్‌లోని గొప్ప విజయాల్లో ఒకటి" అని అన్నాడు.