కోర్టులోనే షర్ట్ మార్చిన కార్నెట్: అంఫైర్ మందలింపు, క్షమాపణ చెప్పిన నిర్వాహకులు

స్పోర్ట్స్ బ్రా కెమెరాల్లో

దీంతో విరామ సమయంలో కోర్టులోనే పక్కకు వెళ్లి టాప్‌ను విప్పి మళ్లీ సరిగ్గా వేసుకుంది. ఈ క్రమంలో ఆమె లోపల వేసుకున్న స్పోర్ట్స్ బ్రా కెమెరాల్లో కనిపించింది. వెంటనే దీన్ని గుర్తించిన చైర్ అంపైర్.. కార్నెట్ క్రీడా నిబంధనలను ఉల్లంఘించిందని హెచ్చరించారు. దీంతోనే అసలు వివాదం మొదలైంది.

మహిళల విషయంలో ఎందుకు వస్తున్నాయి

పురుషులు కోర్టులోనే టీషర్టులు మార్చుకుంటున్నప్పుడు అడ్డురాని నిబంధనలు మహిళల విషయంలో ఎందుకు వస్తున్నాయని టెన్నిస్‌ మాజీ క్రీడాకారులు ప్రశ్నిస్తున్నారు. ఆమె కోర్టులో షర్ట్‌ మార్చుకున‍్నప్పటికీ, ఎవరికీ ఇబ్బంది కలగలేనప్పుడు రాద్దాంతం చేయాల్సిన అవసరం లేదని సోషల్ మీడియాలో మద్దతుగా నిలిచారు.

ఉద్దేశపూర్వకంగా కాదు కదా

ఉక్కపోతతో కార్నెట్‌ అలా చేసిందే కానీ.. ఉద్దేశపూర్వకంగా కాదు కదా అంటూ అభిమానులు సోషల్‌ మీడియా ద్వారా మండిపడుతున్నారు. వాస్తవానికి డబ్ల్యూటీఏ నిబంధనల ప్రకారం క్రీడాకారిణులు కోర్టులో దుస్తులు మార్చుకోకూడదు. పురుషుల విషయంలో మాత్రం ఇలాంటి నిబంధనేమీ లేదు.

అనుకూలంగా నెటిజన్లు

దీనిపై సోషల్ మీడియాలో కార్నెట్‌కు అనుకూలంగా నెటిజన్లు స్పందించడంతో యుఎస్‌ ఓపెన్‌ నిర్వాహకులు రంగంలోకి దిగారు. కార్నెట్‌ను.. ఛైర్‌ అంపైర్‌ హెచ్చరించకుండా ఉండాల్సిందంటూ అధికారిక ప్రకటన విడుదల చేశారు. అందులో కార్నెట్ నిబంధనల ఉల్లంఘనకు పాల్పడలేదని పేర్కొన్నారు.