ఢిల్లీ: భారత మహిళా స్టార్ రెజ్లర్ వినేష్ పోగాట్కు భారీ షాక్ తగిలింది. భారత రెజ్లింగ్ సమాఖ్య (డబ్ల్యూఎఫ్ఐ) ఆమెపై తాత్కాలిక నిషేధం విధించింది. తాజాగా జపాన్ వేదికగా ముగిసిన టోక్యో ఒలింపిక్స్ 2020 శిబిరంలో అమర్యాదగా ప్రవర్తించినందుకు డబ్ల్యూఎఫ్ ఈ చర్యలు తీసుకుంది. ఈ విషయమై వివరణ ఇచ్చేందుకు ఆగస్టు 16 వరకు వినేశ్ ఫొగాట్కు గడువు ఇచ్చింది. దుష్ప్రవర్తనకు గానూ మరో యువ రెజ్లర్ సోనమ్కు కూడా డబ్ల్యూఎఫ్ఐ నోటీసులు జారీ చేసింది.
కొత్త క్లబ్తో లియోనెల్ మెస్సీ ఒప్పందం! ఛలో పారిస్!!
'వినేశ్ పోగాట్ తప్పు చేసింది. టోక్యో ఒలింపిక్స్ గ్రామంలో చాలా అమర్యాదగా ప్రవర్తించింది. అందుకే ఆమెపై తాత్కాలిక నిషేధం విధిస్తున్నాం. ఈ విషయంపై వివరణ ఇచ్చే వరకు ఏ విధమైన పోటీల్లో పాల్గొనడానికి అవకాశం లేదు. ఇది క్షమించాల్సిన విషయం ఏమాత్రం కాదు. సీనియర్ రెజ్లర్లు ప్రవర్తించాల్సిన విధానం ఇది కాదు. ఇదే మా చివరి నిర్ణయం' అని భారత రెజ్లింగ్ సమాఖ్య (డబ్ల్యూఎఫ్ఐ) మంగళవారం పేర్కొంది. మెగా క్రీడల్లో రెజ్లర్లు ఏమి సాధించలేదు కానీ స్టార్ రెజ్లర్లమని ఫీల్ అయ్యారు, తాము ఏం చేసినా చెల్లుతుందనే ధోరణిలో ప్రవర్తిస్తున్నారంది.
మరో అథ్లెట్ సోనమ్కు కూడా భారత రెజ్లింగ్ సమాఖ్య నోటీసులు జారీ చేసింది. టోక్యో 2020కు చేరుకోవడానికి ముందు డబ్ల్యూఎఫ్ఐ కార్యలయానికి వెళ్లి పాస్పోర్ట్ తీసుకోవాల్సి ఉండగా సోనమ్ నిరాకరించింది. ఆ పని చేయాల్సింది స్పోర్ట్స్ అథారిటీ ఆఫ్ ఇండియా (సాయ్) అధికారులని పేర్కొంది. దాంతో ఆమెపై కూడా చర్యలు తీసుకోనుంది. రెజ్లింగ్ సమాఖ్య తమ అథ్లెట్లను ఎందుకు నియంత్రించలేకపోతుందనే విషయంపై వివరణ ఇవ్వాలంటూ భారత ఒలింపిక్ సంఘం (ఐఓఏ) డబ్ల్యూఎఫ్ఐకి నోటీసులు జారీ చేసింది. దీంతో చేసేదేమి లేక వీరిద్దరిపై డబ్ల్యూఎఫ్ఐ చర్యలు తీసుకుంది.
ఒలింపిక్స్ 2020కు ముందు 'వినేశ్ పోగాట్ శిక్షణ కోసం కోచ్ వోల్లర్ అకోస్తో కలిసి హంగేరీకి వెళ్లింది. అక్కడి నుంచి నేరుగా టోక్యోకు చేరుకుంది. భారత అథ్లెట్లు సోనమ్, అన్షు మాలిక్, సీమా బిస్లా ఉన్న ప్రాంతంలోనే ఆమెకు గదిని కేటాయించారు. అయితే అక్కడ ఉండటానికి వినేశ్ నిరాకరించింది. వారంతా భారత్ నుంచి వచ్చారని. వారికి కరోనా ఉండే అవకాశం ఉందని పేర్కొంది. దీంతో పాటు భారత ఆటగాళ్లు ప్రాక్టీస్ చేసే శిబిరం దగ్గర శిక్షణ తీసుకోవటానికి కూడా ఆసక్తి చూపలేదు. ఆమె పాల్గొన్న మ్యాచ్ల్లోనూ అధికారిక స్పాన్సర్ జెర్సీని కాకుండా వేరేది ధరించింది. చివరికి పేలవ ఆటతో సెమీస్లోనే నిష్క్రమించింది.