Click it and Unblock the Notifications
2003లో బాడీ బిల్డింగ్‌ను కెరీర్‌గా
2003లో గోలాప్ రభా ఈ బాడీ బిల్డింగ్ రంగాన్ని కెరీర్‌గా ఎంచుకున్నాడు. అస్సాంలోని కామ్‌రూప్ జిల్లాలోని బోకోకు చెందిన జితిన్ కలిత వద్ద బాడీ బిల్డింగ్‌లో శిక్షణ పొందాడు. తన సొంత గ్రామమైన బోకోలో రభా జిమ్ నిర్వహించడంతో పాటు రోజుకు ఆరు గంటల పాటు శిక్షణ పొందేవాడు.
2008లో రభా జూనియర్ మిస్టర్ అస్సాంగా గోలాప్ రభా
2008లో రభా జూనియర్ మిస్టర్ అస్సాం, జూనియర్ మిస్టర్ కామ్‌రూప్ టైటిళ్లను గెలిచాడు. ఆ తర్వాత మిస్టర్ ఇండియా 2017, మిస్టర్ ఇండియా 2018 టైటిళ్ల తోపాటు మిస్టర్ ఆసియా 2018 టైటిల్‌ను సొంతం చేసుకున్నాడు. ఇక, మిస్టర్ వరల్డ్ టైటిల్ గెలుచుకున్న తర్వాత గోలాప్ రభా కుటుంబంలో ఆనందం వెల్లువిరిసింది.
రభా భార్య ఇషా శర్మ రభా మాట్లాడుతూ
రభా భార్య ఇషా శర్మ రభా మాట్లాడుతూ "రాత్రి 11 గంటల సమయం... తుది ఫలితం కోసం చాలా ఆతృతగా ఎదురుచూస్తున్నా. ఎప్పుడైతే ఆ వార్త తెలిసిందో నా కళ్ల వెంట నీళ్లు తిరిగాయి. ఆనందంలో నా కుమార్తెను మనసుకు హత్తుకున్నాను" అని ఆమె తెలిపారు.
అస్సాం ముఖ్యమంత్రి ప్రశంసలు
మిస్టర్ వరల్డ్ 2018గా ఎంపికైన గోలాప్ రభాపై అస్సాం ముఖ్యమంత్రి సర్బానంద సోనావాల్ సైతం ప్రశంసల వర్షం కురిపించాడు. రభా వరల్డ్ ఫిట్‌నెస్ ఫెడరేషన్(డబ్ల్యు‌ఎఫ్ఎఫ్)-వరల్డ్ బాడీ బిల్డింగ్ ఫెడరేషన్(డబ్ల్యుబిబిఎఫ్) టైటిల్ గెలవడంతో అస్సాంలో బాడీ బిల్డింగ్‌ను ఓ క్రీడగా ప్రమోట్ చేసేందుకు అవకాశం లభించిందని తెలిపారు.
