ఈ వరల్డ్ కప్‌లో బ్రెజిల్ గోల్ హంటర్ ఎవరో తెలుసా?

వీధుల్లోని గోడలకు రంగులు

బ్రెజిల్‌కు చెందిన గాబ్రియెల్‌ జీసెస్‌ ఒకప్పుడు పుట్‌బాల్ స్టేడియాలతో పాటు వీధుల్లోని గోడలకు రంగులు వేసేవాడు. అలాంటి గాబ్రియెల్‌ జీసెస్‌ ఇప్పుడు తన దేశం తరుపున సెన్సెషన్‌గా మారాడు. రష్యా ఆతిథ్యమిస్తోన్న ఫిఫా వరల్డ్ కప్‌ ఫేవరెట్‌ జట్లలో ఒకటిగా బరిలో దిగుతున్న బ్రెజిల్‌ జట్టులో కీలక ఆటగాడు.

ఇపీఎల్‌లో మాంచెస్టర్‌ సిటీ జట్టుకు ప్రాతినిథ్యం

ప్రస్తుతం గాబ్రియెల్‌ జీసెస్‌ మార్కెట్ విలువ $95 మిలియన్. 20 ఏళ్ల గాబ్రియెల్‌ జీసెస్‌ ఇంగ్లిష్‌ ప్రిమియర్‌ లీగ్‌లో మాంచెస్టర్‌ సిటీ జట్టు తరఫున అద్భుతమైన గోల్స్‌ కొట్టాడు. మొత్తంగా 28 మ్యాచ్‌ల్లో 15 గోల్స్‌ చేశాడు. బ్రెజిల్‌ తరఫున 13 మ్యాచ్‌లు ఆడి 8 గోల్స్‌ సాధించాడు.

మైదానంలో అతడి వేగం అద్భుతం

బ్రెజిల్ జట్టులో గాబ్రియెల్‌ జీసెస్‌ అత్యుత్తమ ఆటగాడు అని అనడానికి కారణం మైదానంలో అతడి వేగమే. మైదానంలో గాబ్రియెల్‌ జీసెస్‌ ఓ చిరుతలా పరుగెత్తుతాడు. అతడి వేగం మ్యాచ్‌ని వీక్షిస్తోన్న ప్రతి ఒక్కరినీ ఎంతో ఆశ్చర్యానికి గురి చేస్తోంది. బంతిని నియంత్రించడంలో నైపుణ్యం అందరిలో ప్రత్యేకంగా నిలబెడుతున్నాయి.

తొలి మ్యాచ్ స్విట్జర్లాండ్‌తో

ఇక, రష్యా వేదికగా జూన్ 14 నుంచి జరగనున్న వరల్డ్ కప్‌లో గాబ్రియెల్‌ జీసెస్‌ ఎదుట పెను సవాళ్లే ఉన్నాయి. 2014 వరల్డ్ కప్‌లో సెమీ ఫైనల్లో జర్మనీ చేతిలో ఓటమిపాలై ఇంటిదారి పట్టిన బ్రెజిల్ ఈసారి ఎలాగైనా సరే కప్పు గెలవాలనే పట్టుదలతో ఉంది. కాగా, టోర్నీలో భాగంగా బ్రెజిల్ జట్టు తన తొలి మ్యాచ్‌లో ఆదివారం (జూన్ 17)న స్విట్జర్లాండ్‌తో తలపడనుంది.