23 మ్యాచ్లలో పరాజయమన్నదే:
23 మ్యాచ్లలో పరాజయమన్నదే ఎరుగదు.. ఫిపా ప్రపంచకప్లోనూ అదే ఫాం. వరుస విజయాలు నమోదు చేస్తూ బెల్జియం జట్టు సెమీస్ చేరింది. గ్రూప్దశలో మూడు విజయాలు.. నాకౌట్ పోరులో 2-0తో వెనుకబడినా జపాన్పై విజయం సాధించడంతోపాటు క్వార్టర్ఫైనల్లో బ్రెజిల్పై చిరస్మరణీయ విజయంతో సంచలనం సృష్టించింది. దీంతో ప్రపంచకప్ హాట్ ఫేవరెట్ ముద్రతో సెమీస్లో మాజీ చాంపియన్ ఫ్రాన్స్ను ఢీకొట్టేందుకు సిద్ధమైంది. జట్టులో స్ట్రయికర్లు లుకాకు (4గోల్స్), హజార్డ్ రాణిస్తుండగా..మిడ్ఫీల్డ్లో డిబ్రుయెన్, డిఫెన్స్లో విన్సెంట్ కొంపానీ, జాన్ వెట్రోగెన్, మౌరోనే ఫెల్లానిలతో పటిష్ఠంగా కనిపిస్తుంది. మరోవైపు మిడ్ఫీల్డర్ రాబెర్టో మార్టినెజ్ బరిలోకి దిగితే ఇటు అటాకింగ్తోపాటు డిఫెన్స్లోనూ బెల్జియం బలం పెరుగనుంది.
గోల్కీపర్ల సత్తాకు, నైపుణ్యానికి పరీక్ష
రెండు జట్లలోనూ ఎటాకర్లు పుష్కలంగా ఉన్న నేపథ్యంలో ఈ మ్యాచ్ గోల్కీపర్ల సత్తాకు, నైపుణ్యానికి పెద్ద పరీక్షగా నిలవనుంది. బెల్జియం గోల్కీపర్ తిబౌత్ కోర్ట్వా, ఫ్రాన్స్ గోల్కీపర్ లారిస్లకు తీరికలేని పని ఖాయం. టోర్నీలో ఫ్రాన్స్ ఆరంభ మ్యాచ్లో ఆస్ట్రేలియాపై తన ప్రదర్శనతో లారిస్ విమర్శలు ఎదుర్కొన్నాడు. కానీ క్వార్టర్ఫైనల్లో ఉరుగ్వే తన అత్యుత్తమ ఫామ్ను అందుకున్నాడు. అద్భుత ప్రదర్శనతో జట్టు విజయంలో కీలక పాత్ర పోషించాడు. ఇక విన్సెంట్ కొంపాని, వెర్టాంగెన్, ఫెలానిల రూపంలో డిఫెండర్లుండటం బెల్జియంకు బలమే. కోర్ట్వా అత్యుత్తమ గోల్కీపర్లలో ఒకడిగా టోర్నీకి వచ్చాడు. క్వార్టర్ఫైనల్లో బ్రెజిల్పై చక్కని ప్రదర్శనతో తన ప్రతిష్టను మరింత పెంచుకున్నాడు. ఇద్దరూ మంచి గోల్కీపర్లే అయినా ఇద్దరిలో ఎక్కువ దూకుడుగా ఉండే లారిసే మెరుగన్నది ఫ్రెంచ్ స్ట్రైకర్ ఒలివర్ గిరౌడ్ అభిప్రాయం.
ఫ్రాన్స్ చెలరేగి తీరుతుందని:
డెస్చాంప్ కెప్టెన్సీలోనే 1998 ఫిఫా ప్రపంచకప్ ట్రోఫీతో పాటు 2000 యూరో ఛాంపియన్గా నిలవడం విశేషం. తాజాగా జరుగుతున్న ప్రపంచకప్లోనూ డెస్చాంప్ ప్రేరణతోనే ఫ్రాన్స్ చెలరేగుతుందని పావార్డ్ స్పష్టం చేశాడు. ఈ ప్రపంచకప్లో ఫ్రాన్స్ స్ట్రెకర్లలో ఎంబాప్పా 3 గోల్స్ కొట్టాడు. గ్రీజ్మాన్ 2 గోల్స్తోపాటు జట్టు సాధించిన మరో గోల్లో భాగసామ్యంలో పాలుపంచుకున్నాడు. అర్జెంటీనాతో జరిగిన మ్యాచ్లో ఎంబాప్పే చెలరేగగా.. ఉరుగ్వేతో జరిగిన మ్యాచ్లో గ్రీజ్మాన్ అద్భుతనైపుణ్యంతో జట్టుకు విజయాన్నందించాడు. బెల్జియం జట్టును నిలువరించి విజయంతో ఫైనల్ చేరే అవకాశం ఫ్రాన్స్కే కనిపిస్తుంది.
ఇరు జట్లు సెమీస్కు చేరిందిలా... :
ఫ్రాన్స్ :
ఆస్ట్రేలియాపై 2-1తో గెలుపు
పెరూపై 1-0తో విజయం
డెన్మార్క్తో 0-0తో డ్రా
ప్రిక్వార్టర్స్లో అర్జెంటీనాపై 4-3తో విజయం
క్వార్టర్స్లో ఉరుగ్వేపై 2-0తో జయభేరి
బెల్జియం
పనామాపై 3-0తో గెలుపు
ట్యూనీషియాపై 5-2తో విజయం
ఇంగ్లండ్పై 1-0తో గెలుపు
ప్రి క్వార్టర్స్లో 3-2తో జపాన్పై విజయం
క్వార్టర్స్లో 2-1తో బ్రెజిల్పై జయభేరి
కీలక ఆటగాళ్లు వీరే..
బెల్జియం..
రొమేలు లుకాకు.. ఈడెన్ హజార్డ్.. కెవిన్ డిబ్రుయెన్..నాసిర్ చాడ్లీ
గోల్కీపర్ : టిబుట్ కౌర్టోస్..18 సేవ్లు
ఫ్రాన్స్..
ఆంటోనీ గ్రీజ్మన్.. కైలియన్ ఎంబాప్పే.. లుకాస్ హెర్నాండెజ్..పాల్ పోగ్బా.. బెంజిమిన్ పావర్డ్.. రాఫెల్ వారనే
గోల్ కీపర్ : హ్యూగో లోరిస్.. 5 సేవ్లు