ఐపీఎల్లో ఆడటం వల్లే
"అయితే, ఐపీఎల్లో ఆడటం వల్లే ఈ పరిస్థితి వచ్చిందని చెప్పడం లేదు. కానీ, కొంత మంది ఆటగాళ్లకు విశ్రాంతినిస్తే.. పని ఒత్తిడి నుంచి ఉపశమనం కలిగేది. నూతన ఉత్సాహాంతో బరిలోకి దిగేవారు. విశ్రాంతి లేకుండా ఆడితే ఇలాంటి ఫలితాలే ఎదురవుతాయి. ఈ ప్రపంచకప్లో గాయాలు కూడా మా గెలుపుపై ప్రభావం చూపాయి" అని డుప్లెసిస్ అన్నాడు.
పేసర్లు గాయాలు కూడా
"జట్టులోని మిగతా పేసర్లు గాయాలు కూడా రబాడపై ప్రభావం చూపాయి. అతనొక్కడే భారాన్ని మోసాడు. ఇది అతని బౌలింగ్పై తీవ్ర ప్రభావం చూపింది. టోర్నీ ఆరంభంలో రాణించకుంటే, మనపై మనకు ఉన్న నమ్మకాన్ని కోల్పోతాం. రబాడ విషయంలో కూడా అదే జరిగింది. అయితే, అతను ఎదో ఒకటి చేయాలని చాలా ప్రయత్నించాడు" అని డుప్లెసిస్ తెలిపాడు.
పనిభారం కారణంగా
6 మ్యాచ్ల్లో రబాడ 50.83 సగటుతో కేవలం 6 వికెట్లు మాత్రమే పడగొట్టాడు. పనిభారం కారణంగా ఈ ప్రపంచకప్లో అతడు మెరుగైన ప్రదర్శన చేయలేకపోయాడు. అదే ఐపీఎల్లో ఢిల్లీ క్యాపిటల్స్ తరఫున 12 మ్యాచ్ల్లో 25 వికెట్లు తీశాడు. గాయం నుంచి కోలుకున్న ఆ జట్టు పేసర్ డేల్ స్టెయిన్ ఐపీఎల్లో ఆడటంతో గాయపడ్డాడు.
లీగ్ దశ నుంచే నిష్క్రమణ
దీంతో ప్రపంచకప్కు దూరమయ్యాడు. ఇదిలా ఉంటే, ఈ ప్రపంచకప్లో ఇప్పటి వరకు ఏడు మ్యాచ్లాడిన దక్షిణాఫ్రికా ఒక మ్యాచ్లో విజయం సాధించి ఐదు మ్యాచ్ల్లో ఓడిపోయింది. వర్షం కారణంగా ఒక మ్యాచ్ రద్దు అయింది. దీంతో సెమీస్ అవకాశాల్ని పూర్తిగా కోల్పోయి... లీగ్ దశలోనే వెనుదిరిగింది.