అమాయకుడ్ని.. నాపై స్లెడ్జింగ్కి:
2015 నుంచి మోకాలి గాయంతో ఇబ్బంది పడుతున్న సోహైల్.. ఇటీవల మళ్లీ ఫిట్నెస్ సాధించి జట్టులోకి వచ్చాడు. ‘నేను అమాయకుడ్ని (నవ్వుతూ).. కానీ.. ఆస్ట్రేలియా ఆటగాళ్లు నాపై స్లెడ్జింగ్కి (అసందర్భ పదజాలం వాడటం) ప్రయత్నించారు. దీంతో.. బ్యాటింగ్ చేస్తున్నంతసేపు వారివైపు చూడటం మానేశాను. అయినప్పటికీ రెండు మూడు సార్లు వారు స్లెడ్జింగ్కి ట్రై చేశారు. ఆఖరిగా.. నేను వారి మాటలు విననట్లే నటించాను.'
మూడేళ్లుగా గాయంతో బాధపడ్డా:
'మూడేళ్లుగా గాయంతో నేను బాధపడ్డాను. చాలా అంశాలు నాకు ప్రతికూలంగా జరిగాయి. అయినప్పటికీ.. పట్టుదలతో ఫిట్నెస్ సాధించి.. మళ్లీ జట్టులోకి పునరాగమనం చేయడం ఆనందంగా ఉంది 'అని సోహైల్ వెల్లడించాడు. సొహైల్కు 2015వ సంవత్సరంలో మోకాలి గాయం వల్ల రెండేళ్లు విరామం తీసుకున్నాడు. ఆ తర్వాత ఫిట్నెస్ సాధించి పునరాగమనం చేశాడు.
సెంచరీ చేసి జట్టుకు పరుగులు జోడిస్తే
ఈ సందర్భంగా మాట్లాడిన సొహైల్.. మోకాలి గాయం కారణంగా నేను పడిన ఇబ్బందులు ఎవరికీ తెలియవు. దాని నుంచి బయటపడేందుకు చాలా కష్టపడ్డాను. కానీ, దేశం తరపున ఆడుతున్నామనే భావన ముందు అన్నీ పటాపంచలైపోతాయి. అదే సమయంలో ఓ సెంచరీ చేసి జట్టుకు పరుగులు జోడిస్తే.. అంతకుమించిందేమీ ఉండదనుకుంటా..
కొత్త బంతిని తీసుకుంటే పరుగులు చేద్దామని
'పిచ్పై పరుగులు చేయడమే కష్టంగా ఉన్న సమయంలో తొలి ఇన్నింగ్స్లో మాకు కావలసినన్ని పరుగులు సాధించేశాం. ఈ ఇన్నింగ్స్ చాలా చక్కగా జరిగిందనే అనుకుంటున్నాం. ఒకానొక దశలో బాల్ పూర్తిగా సున్నితంగా మారిపోయింది. పరుగులు చేయడానికి వీల్లేనంతగా మారింది. వాళ్లు బంతి మార్చేందుకు కూడా యత్నించలేదు. మేమేంతా వారు కొత్త బంతిని తీసుకుంటే పరుగులు చేద్దామని ఎదురుచూస్తూ ఉన్నాం.