దేశవాళీ క్రికెట్లో విదర్భ జట్టుకు
దేశవాళీ క్రికెట్లో 24 ఏళ్ల అక్షయ్ కర్నెవార్ విదర్భ జట్టుకు ఆడుతున్నాడు. తన కెరీర్ తొలి నాళ్లలో కుడిచేతి స్పిన్తో పాటు ఎడమచేతి బ్యాట్స్మన్గా బరిలోకి దిగేవాడు. రానురాను తన ప్రతిభను మెరుగుపరచుకున్నాడు. స్విచ్షాట్ కొట్టేటప్పుడు బ్యాట్స్మన్ తన స్టాండ్స్ మార్చే తరహాలోనే తన బౌలింగ్ను బ్యాట్స్మన్కు తగ్గట్లు మార్చుకున్నాడు.
సయ్యద్ ముస్తాక్ అలీ టోర్నీతో వెలుగులోకి
గతేడాది సయ్యద్ ముస్తాక్ అలీ టోర్నీ ద్వారా అక్షయ్ బౌలింగ్ శైలిలో ప్రత్యేకత ఏంటో వెలుగులోకి వచ్చింది. అప్పటి నుంచి అలా బౌలింగ్ చేస్తూ తనకంటూ ఓ ప్రత్యేకమైన బౌలింగ్ శైలిని ఏర్పరచుకున్నాడు. తాజాగా ఆసీస్తో జరిగిన వార్మప్ మ్యాచ్లో తన బౌలింగ్తో ఆస్ట్రేలియన్లను ఆశ్చర్యపోయేలా చేశాడు.
అక్షయ్ బౌలింగ్ శైలికి ముగ్ధులైన ఆసీస్ క్రికెటర్లు
మంగళవారం ఆసీస్తో మ్యాచ్లో బ్యాటింగ్కు దిగిన లెఫ్ట్హ్యాండ్ బ్యాట్స్మన్ టిమ్హెడ్కు కుడిచేత్తో బౌలింగ్ చేసిన అక్షయ్.. కుడిచేతి వాటమైన స్టోయినిస్కు లెఫ్ట్ఆర్మ్ బౌలింగ్ చేశాడు. దీంతో డ్రెస్సింగ్రూమ్లో ఉన్న ఆసీస్ ఆటగాళ్లు అక్షయ్ బౌలింగ్ శైలికి ముగ్ధులయ్యారు. ఈ మ్యాచ్లో తన మెరుగు ఇన్నింగ్స్తో ఆసీస్ విజయంలో కీలకపాత్ర పోషించిన స్టోయినిస్... అక్షయ్ పై ప్రశంసల వర్షం కురిపించాడు.
|
ప్రశంసల వర్షం కురిపించిన స్టోయినిస్
'అక్షయ్ బౌలింగ్ వేసే క్రమంలో అంపైర్ ఏం చెబుతున్నాడో మొదట అర్థం కాలేదు. అతను నీకు లెఫ్ట్ఆర్మ్తో బౌలింగ్ చేయబోతున్నాడని ఆ తర్వాత అర్థమైంది. అక్షయ్ది అద్భుత ప్రతిభ. నేను ఇప్పటి వరకు ఇలాంటి బౌలర్ను ఎప్పుడూ చూడలేదు' అని క్రికెట్ ఆస్ట్రేలియా(సీఏ) వెబ్సైట్కి ఇచ్చిన ఇంటర్యూలో మార్కస్ పేర్కొన్నాడు.