తృటిలో రనౌట్ మిస్సయ్యేది: జడేజాపై కోప్పడ్డ కోహ్లీ, అశ్విన్ (వీడియో వైరల్)

జడేజా కవ్వింపు రనౌట్‌తో పెవిలియన్‌కు

ఆ తర్వాత నాలుగో వికెట్‌‌గా పెవిలియన్‌కు చేరిన షిమ్రోన్‌ హెట్‌మయర్‌ (10)‌ని జడేజా కవ్వింపు రనౌట్‌తో పెవిలియన్ బాట పట్టించడం విశేషం. 12వ ఓవర్ వేసిన అశ్విన్ బౌలింగ్‌లో హెట్‌మయర్‌ బంతిని మిడాన్ దిశగా నెట్టి పరుగు కోసం నాన్‌స్ట్రైక్ ఎండ్‌లో ఆంబ్రిస్‌ని పిలిచాడు. ఆ సమయంలో అక్కడే ఫీల్డింగ్ చేస్తోన్న రవీంద్ర జడేజా మెరుపు వేగంతో కదిలి బంతిని అందుకున్నాడు.

వెనక్కి వెళ్లిపోయే ప్రయత్నం చేసిన హెట్‌మయర్

దీంతో మళ్లీ పరుగు వద్దంటూ హెట్‌మయర్ వెనక్కి వెళ్లిపోయే ప్రయత్నం చేశాడు. అప్పటికే క్రీజు వదిలిన ఆంబ్రిస్ దాదాపు పిచ్ మధ్యలోకి వచ్చేశాడు. దీంతో.. ఇద్దరూ తడబాటులో తొలుత కీపర్ వైపు పరుగెత్తారు. బ్యాట్స్‌మెన్స్ ఇద్దరూ ఒకే ఎండ్‌వైపు వెళ్లడంతో ఇద్దరి ఎవరో ఒకరు రనౌట్ అయ్యేలా కనిపించింది.

అశ్విన్‌కి బంతిని ఇవ్వకుండా

బంతిని అందుకున్న జడేజా.. బౌలర్ అశ్విన్‌కి బంతిని ఇవ్వకుండా.. నింపాదిగా మిడాన్ నుంచి బంతిని తీసుకుని వస్తుండటాన్ని గమనించిన హెట్‌మయర్‌ వేగంగా నాన్‌స్ట్రైక్ ఎండ్‌వైపు పరుగెత్తాడు. అయినా సరే, కంగారుపడని జడేజా

నెమ్మదిగా నడుచుకుంటూ వికెట్ల సమీపానికి చేరుకున్నాడు. ఈ సమయంలో హెట్‌మయర్‌ దాదాపు క్రీజు దగ్గరికి రాగా, ఆఖరి క్షణంలో వికెట్లపైకి గురి చూసి బంతిని విసిరాడు.

జడేజాపై కోప్పడ్డ కోహ్లీ, అశ్విన్

జడేజా తీరుతో తృటిలో హెట్‌మయర్ రనౌట్ నుంచి తప్పించుకునేవాడే. దీంతో కెప్టెన్ విరాట్ కోహ్లీ, అశ్విన్... జడేజాపై కోపాన్ని ప్రదర్శించారు. ఆ తర్వాత రవీంద్ర జడేజా నింపాదిగా రనౌట్ చేసిన తీరు రిప్లైలో చూసి ముసిముసిగా నవ్వుకున్నారు. ఇందుకు సంబంధించిన వీడియో ఇప్పుడు సోషల్ మీడియాలో వైరల్‌గా మారింది.