|
ధోని వికెట్ కీపింగ్ స్టైల్కు ఉన్న ప్రత్యేకత వేరు
ప్రపంచ క్రికెట్లో దిగ్గజ వికెట్ కీపర్లు ఎంతోమంది ఉన్నా ధోని వికెట్ కీపింగ్ స్టైల్కు ఉన్న ప్రత్యేకత వేరు. తాజాగా ఇంగ్లీష్ టీ20 బ్లాస్ట్లో హాంప్షైర్ వికెట్ కీపర్ లుయిస్ మెక్మనుస్ అచ్చం ధోని మాదిరి స్టంపింగ్ చేసి బ్యాట్స్మెన్తో పాటు జట్టులోని సహచర క్రికెటర్లను ఆశ్చర్యానికి గురి చేశాడు.
ఇంగ్లీష్ టీ20 బ్లాస్ట్లో భాగంగా
ఇంగ్లీష్ టీ20 బ్లాస్ట్లో భాగంగా గురువారం హాంప్షైర్, సస్సెక్స్ జట్లు తలబడ్డాయి. ఈ మ్యాచ్లో స్పిన్నర్ మాసాన్ క్రేన్ వేసిన బంతిని సస్సెక్స్ బ్యాట్స్మెన్ ఇవాన్స్ సిక్స్ కొట్టేందుకు క్రీజుని వదిలాడు. అయితే బంతి బ్యాట్కు తగలకపోగా నేరుగా వికెట్ కీపర్ చేతుల్లో పడింది.
|
బంతి బెయిల్ను తాకే సమయంలో
ఈ సమయంలో బ్యాట్స్మన్ క్రీజులో నుంచి ముందుకు కదిలాడు. దీంతో వికెట్ కీపర్ మెక్మనుస్ ధోని స్టైల్లో స్టంపింగ్ చేసి అందరిని అబ్బురపరిచాడు. ఈ ఔట్ను చూసి క్రీజులో ఉన్న బ్యాట్స్మన్ సైతం అవాక్కయ్యాడు. అయితే, బంతి బెయిల్ను తాకే సమయంలో బ్యాట్స్మన్ క్రీజు వదలడం విశేషం. ప్రస్తుతం ఈ వీడియో సోషల్ మీడియాలో వైరల్ అవుతోంది.