వర్షం అడ్డంకిగా మారడంతో
వర్షం అడ్డంకిగా మారడంతో మూడో రోజు మార్నింగ్ సెషన్ మొత్తం తుడిచిపెట్టుకుపోయింది. దీంతో ముందస్తుగానే లంచ్ విరామాన్ని తీసుకోవాలని అంపైర్లు ఇరు జట్లకు సూచించారు. లంచ్ అనంతరం ఆసీస్ జట్టు తన డ్రెస్సింగ్ రూమ్ నుంచి గ్రౌండ్లోకి వెళుతున్న సమయంలో ఓ ఇంగ్లాండ్ అభిమాని ‘హేయ్ డేవిడ్ వార్నర్.. నువ్వొక చీటర్' అంటూ ఎగతాళి చేసే యత్నం చేశాడు.
|
వెంటనే వెనక్కి తిరిగి చూసిన వార్నర్
అయితే, దీనికి వెంటనే వెనక్కి తిరిగి చూసిన వార్నర్.. తన రెండు చేతుల్ని పైకి ఎత్తి వావ్ అంటూ నవ్వుతూ రిప్లై ఇచ్చాడు. ఇందుకు సంబంధించిన వీడియో సోషల్ మీడియాలో వైరల్ అయింది. ఇంగ్లాండ్ అభిమాని తనను ఎగతాళి చేసినప్పటికీ డేవిడ్ వార్నర్ ఆ అభిమానిపై మండిపడకపోవడాన్ని నెటిజన్లు కొనియాడుతున్నారు.
పట్టు బిగిస్తోన్న ఆస్ట్రేలియా
ఇదిలా ఉంటే, నాలుగో టెస్టులో ఆస్ట్రేలియా జట్టు పట్టు బిగిస్తోంది. ఆసీస్ పేసర్ జోష్ హేజిల్వుడ్ (4/48) విజృంభించడంతో ఇంగ్లాండ్ మూడో రోజైన శుక్రవారం వెలుతురు లేమితో ఆట ముగిసే సమయానికి తొలి ఇన్నింగ్స్లో 200 పరుగులకే 5 వికెట్లు కోల్పోయి కష్టాల్లో పడింది. స్టోక్స్ (7), బెయిర్స్టో (2) క్రీజులో ఉన్నారు.
స్టోక్స్, బెయిర్ స్టో రాణిస్తేనే!
వీరిద్దరూ భారీ స్కోర్లు సాధిస్తే ఇంగ్లాండ్ తేరుకునే అవకాశం ఉంది. అంతకముందు ఆస్ట్రేలియా 497/8 వద్ద తొలి ఇన్నింగ్స్ను డిక్లేర్ చేసిన సంగతి తెలిసిందే. ఐదు టెస్టు మ్యాచ్ల సిరిస్లో ప్రస్తుతం ఇరు జట్లు 1-1 సమంగా నిలిచాయి.
తొలి టెస్టులో ఆస్ట్రేలియా విజయం సాధించగా.. రెండో టెస్టు డ్రాగా ముగిసింది. ఇక, మూడో టెస్టులో ఇంగ్లాండ్ విజయం సాధించింది.