ఎక్కువ మంది వీక్షించిన బీసీసీఐ వీడియోలివే

వోక్స్ బౌలింగ్‌లో కోహ్లి సిక్స్‌గా మలిచిన షాట్

టీమిండియాకు సంబంధించి 2018లో ఎక్కువ మంది ట్విట్టర్లో చూసిన వీడియోలను బీసీసీఐ విడుదల చేసింది. గంటకు 121 కి.మీ. వేగంతో విసిరిన బంతి తన వైపు దూసుకొస్తుండగా.. చేతిని ఎక్కువ దూరం కదిలించే వీల్లేని పరిస్థితుల్లో మిడాన్ మీదుగా కోహ్లి కొట్టిన సిక్స్ హైలెట్‌గా నిలిచింది. కోహ్లి స్థానంలో ఎవరున్నా.. ఆ బంతిని పుల్ చేయడమో లేదా డిఫెండ్ చేయడమో చేస్తారు. కానీ కోహ్లి మాత్రం దాన్ని సిక్స్‌గా మలిచాడు. తర్వాత అండర్-19 వరల్డ్ కప్‌లో జింబాబ్వేపై శుభ్‌మన్ గిల్ అదే తరహా షాట్ ఆడి ఆకట్టుకున్నాడు. ఈ వీడియోను బీసీసీఐ మళ్లీ షేర్ చేసింది.

కోహ్లి, జడేజా పరిగెడుతున్న వీడియోను కూడా

విండీస్‌తో జరిగిన సిరీస్‌లో బంతిని అందుకోవడం కోసం కోహ్లి, జడేజా పరిగెడుతున్న వీడియోను కూడా బీసీసీఐ పోస్టు చేసింది. పాల్ హేమరాజ్ ఆడిన బంతి బౌండరీ లైన్ వైపు దూసుకెళ్తుండగా.. కోహ్లి, జడేజా ఒకరితో మరొకరు పోటీపడి పరిగెత్తుకుంటూ వెళ్లి బంతిని ఆపారు. అత్యధిక మంది వీక్షించిన వీడియోల్లో ఇది ఒకటి.

అన్ని ఫార్మాట్లలో కలిపి 11 సెంచరీల వరకూ

కోహ్లీ 2018 సంవత్సరంలో 2, 735 పరుగులు చేసి అన్ని ఫార్మాట్లలో కలిపి 11 సెంచరీల వరకూ చేశాడు. కానీ, గిల్ ఏడు ఫస్ట్ క్లాస్ మ్యాచ్‌లు మూడు హాఫ్ సెంచరీలు.. ఐదు సెంచరీల సాయంతో 897 పరుగులు చేయగలిగాడు.