భారత్ నుంచి ఒకే ఒక్కడు: కెప్టెన్‌గా విరాట్ కోహ్లీ ఖాతాలో మరో రికార్డు

కోహ్లీకి ఇది 30వ విజయం

కెప్టెన్‌గా విరాట్ కోహ్లీకి ఇది 30వ విజయం కాగా... కెప్టెన్‌గా 50వ టెస్టు మ్యాచ్‌. దీంతో తొలి 50 టెస్టుల్లో అత్యధిక విజయాలు సాధించిన కెప్టెన్ల జాబితాలో ఆస్ట్రేలియా మాజీ క్రికెట్ దిగ్గజాలు స్టీవ్‌ వా(37), రికీ పాంటింగ్‌(35)ల తర్వాత మూడో స్థానంలో నిలిచాడు. ఈ జాబితాలో కోహ్లీ తర్వాత వివ్‌ రిచర్డ్స్‌(27) నాలుగో స్థానంలో ఉన్నాడు.

తొలి 50 టెస్టుల్లో 30 విజయాలు

ఇక, భారత్ తరుపున తొలి 50 టెస్టుల్లో 30 విజయాలు సాధించిన ఏకైక కెప్టెన్‌ విరాట్ కోహ్లీనే. కోహ్లీ తర్వాత టీమిండియాకు అత్యధిక టెస్టు విజయాలను అందించిన కెప్టెన్‌గా ధోని ఉన్నాడు. ధోని సారథ్యంలో టీమిండియా మొత్తం 60 టెస్టులాడగా 27 టెస్టుల్లో విజయం సాధించింది. వీరిద్దరి తర్వాత గంగూలీ మూడో స్థానంలో ఉన్నాడు.

ఇంకో టెస్టు మిగిలుండగానే

పూణె టెస్టులో విజయం సాధించడంతో మూడు టెస్టు మ్యాచ్‌ల సిరిస్‌ను ఇంకో టెస్టు మిగిలుండగానే సిరిస్‌ను 2-0తో కైవసం చేసుకుంది. అంతేకాదు ప్రపంచ టెస్టు ఛాంపియన్‌షిప్‌ పాయింట్ల పట్టికలో కోహ్లీసేన అగ్రస్థానాన్ని మరింత పదిలం చేసుకుంది. ఇరు జట్ల మధ్య ఈ సిరిస్‌లో ఆఖరిదైన మూడో టెస్టు అక్టోబర్ 19 నుంచి రాంచీలో జరగనుంది.

పూణె టెస్టు స్కోరు వివరాలు

ఈ మ్యాచ్‌లో ఉమేశ్ యాదవ్ (3/22), రవీంజ్ర జడేజా (3/52) అద్భుత ప్రదర్శన చేసి జట్టు విజయంలో కీలకపాత్ర పోషించారు. విశాఖ వేదికగా జరిగిన మొదటి టెస్టులో టీమిండియా ఘన విజయం సాధించిన సంగతి తెలిసిందే. పూణె టెస్టులో స్కోరు వివరాలు ఇలా ఉన్నాయి.

భారత్‌ తొలి ఇన్నింగ్స్‌: 601/5 డిక్లేర్డ్‌

దక్షిణాఫ్రికా తొలి ఇన్నింగ్స్‌ : 275 ఆలౌట్‌

దక్షిణాఫ్రికా రెండో ఇన్నింగ్స్‌: 189 ఆలౌట్‌(ఫాలోఆన్)