వేటు పడింది..: యాషెస్‌లో నాలుగు, ఐదు టెస్టులకు అంఫైర్లు మార్పు

11వ బ్యాట్స్‌మన్ లీచ్‌తో

11వ బ్యాట్స్‌మన్ లీచ్‌తో కలిసి పదో వికెట్‌కు అజేయంగా 76 పరుగులు జోడించి ఇంగ్లాండ్‌కు చారిత్రక విజయాన్ని అందించాడు. నిజానికి మూడో టెస్టులో ఆస్ట్రేలియా విజయం సాధించాలి. అయితే, ఆ జట్టు కెప్టెన్ టిమ్ పైన్ డీఆర్ఎస్ నిర్ణయం తప్పిదమో లేక స్పిన్నర్ లియాన్ ధారాళంగా పరుగులు సమర్పించుకోవడంతో ఆసీస్‌ను దురదృష్టం వెంటాడింది. మూడో టెస్టులో ఇంగ్లాండ్ విజయానికి ఆరు పరుగులు అవసరం. చేతిలో ఒక వికెట్ మాత్రమే ఉంది.

స్టోక్స్ ఔటయ్యేవాడు

ఈ క్రమంలో ఆసీస్ స్పిన్నర్ నాథన్ లియాన్ వేసిన బంతి నేరుగా వెళ్లి బెన్ స్టోక్స్ ప్యాడ్లను తాకింది. స్టోక్స్‌ ఎల్బీ కోసం లయాన్‌ చేసిన అప్పీల్‌ను అంపైర్‌ విల్సన్‌ తిరస్కరించాడు. అప్పటికీ ఆస్ట్రేలియా రివ్యూలు అయిపోవడంతో బెన్ స్టోక్స్‌ బ్రతికి పోయాడు. అయితే, బంతి మిడిల్‌ వికెట్‌కు వెళుతున్నట్లు రిప్లేలో తేలింది. ఆస్ట్రేలియాకు రివ్యూ గనుక ఉండి ఉంటే స్టోక్స్ ఔటయ్యేవాడు. నిజానికి రివ్యూలో బెన్ స్టోక్స్ ఔట్ అని తేలినప్పటికీ ఫీల్డ్ అంపైర్ జోయెల్ విల్సన్ నాటౌట్‌గా ప్రకటించడంతో థర్డ్ అంఫైర్ కూడా ఏం చేయలేకపోయాడు.

కమ్మిన్స్ వేసిన ఓవర్‌లో

ఆ తర్వాత ప్యాట్ కమ్మిన్స్ వేసిన ఓవర్‌లో బెన్ స్టోక్స్ ఫోర్ బాది ఇంగ్లాండ్‌కు విజయాన్నందించాడు. అలా కాకుండా బెన్ స్టోక్స్‌ను ఫీల్డ్ అంఫైర్ ఔట్‌గా ప్రకటించి ఉంటే ఈ మ్యాచ్‌లో ఆస్ట్రేలియా విజయం సాధించేది. అంఫైరింగ్ తప్పిదాలతో యాషెస్ మూడో టెస్టు ఫలితం తారుమారు కావడంతో ఐసీసీ ఈ నిర్ణయం తీసుకుంది.

ఓల్ట్ ట్రాఫోర్డ్ వేదికగా

ఓల్ట్ ట్రాఫోర్డ్ వేదికగా జరగనున్న నాలుగో టెస్టుకు ఫీల్డ్ అంఫైర్లుగా మరైస్ ఎరాస్మస్, రుచిరా పల్లియగురుగేలను ఎంపిక చేయగా... శ్రీలంకకు చెందిన కుమార ధర్మసేన థర్డ్ అంఫైర్‌గా వ్యవహారించనున్నారు. ఇక, ఓవల్ వేదికగా జరగనున్న ఐదో టెస్టుకు మరైస్ ఎరాస్మస్ ఫీల్డ్ అంఫైర్‌గా కొనసాగుతాడు.

డీఆర్ఎస్‌ను వ్యతిరేకించిన బీసీసీఐ

మరోవైపు రుచిరా పల్లియగురుగే, కుమార ధర్మసేన వారి వారి స్థానాలను మార్చుకుంటారని ఐసీసీ అధికారికంగా ప్రకటించింది. మూడో టెస్టులో ఇంగ్లాండ్ విజయం సాధించిన అనంతరం బెన్ స్టోక్స్ మాట్లాడుతూ డీఆర్ఎస్ పూర్తిగా తప్పని తేలిందని అన్నారు. నిజానికి బీసీసీఐ కూడా చాలా ఏళ్ల పాటు ఈ డీఆర్ఎస్‌ను వ్యతిరేకించిన సంగతి తెలిసిందే.