స్టీవ్ బక్నర్ ప్రపంచ రికార్డుని సమం చేసిన పాక్ అంఫైర్

లార్డ్స్ వేదికగా రెండో టెస్టు

ఐదు టెస్టుల యాషెస్ సిరిస్‌లో భాగంగా లార్డ్స్ వేదికగా గురువారం ఆస్ట్రేలియా-ఇంగ్లాండ్‌ జట్ల మధ్య రెండో టెస్టు ప్రారంభమైంది. నిజానికి ఈ టెస్టు బుధవారమే ప్రారంభం కావాల్సి ఉన్నప్పటికీ వర్షం కారణంగా తొలిరోజు ఆట తుడిచిపెట్టుకుపోయింది. రెండో రోజైన గురువారం ఆట ప్రారంభం కావడంతో అలీమ్‌ దార్‌ ఈ మైలురాయిని అందుకున్నారు.

అలీమ్ దార్‌కు అభినందనలు

ఈ మేరకు ఐసీసీ తన ట్విట్టర్‌లో అలీమ్ దార్‌కు అభినందనలు తెలిపింది. దీనిపై అలీమ్‌ దార్ మాట్లాడుతూ ఇదొక గొప్ప గౌరవంగా భావిస్తున్నానని తెలిపాడు. తన రోల్‌ మోడల్‌ బక్నర్‌ సరసన నిలవడం ఇంకా ఆనందంగా ఉందని అలీమ్ దార్ తెలిపాడు. ఈ ఘనత సాధించడానికి ఆ దేవుడి సాయంతో పాటు ఐసీసీ, పీసీబీల సహకారం కూడా మరువలేనిదని అన్నాడు.

కృతజ్ఞతలు తెలియజేసిన అలీమ్ దార్

ఈ సందర్భంగా తన సహచరులకు, తన కోచ్‌లకు అలీమ్‌ దార్‌ కృతజ్ఞతలు తెలియజేశాడు. ముఖ్యంగా తన కుటుంబ సభ్యుల సహకారం వెలకట్టలేనిదని, వారు నుంచి తనకు సహకారం అందకపోతే ఇది సాధ్యమయ్యేది కాదని చెప్పుకొచ్చాడు. 2003లో ఢాకాలో ఇంగ్లాండ్‌-బంగ్లా జట్ల మధ్య జరిగిన టెస్టుతో అంపైర్‌గా అలీమ్‌ దార్‌ అరంగేట్రం చేశాడు.

376 మ్యాచ్‌లకు అంపైరింగ్‌

అలీమ్‌ దార్‌ ఇప్పటివరకూ మూడు ఫార్మాట్లలో కలిపి 376 మ్యాచ్‌లకు అంపైరింగ్‌ చేశాడు. ఇదిలా ఉంటే, యాషెస్‌ సిరీస్‌ రెండో టెస్టులో ఇంగ్లాండ్ తొలిరోజే తేలిపోయింది. ఆస్ట్రేలియా పేసర్లు హాజెల్‌వుడ్‌ (3/58), కమిన్స్‌ (3/61)తో పాటు స్పిన్నర్‌ లయన్‌ (3/68) చెలరేగడంతో టాస్‌ ఓడి బ్యాటింగ్‌ చేసిన ఇంగ్లాండ్ 77.1 ఓవర్లలో 258 పరుగులకే ఆలౌటైంది.