|
ఖలీల్ అహ్మద్ చేతుల్లో ఆసియాకప్ ట్రోఫీ
ఆసియా కప్ గెలిచిన సందర్భంగా సంబరాల సమయంలో కొత్త కుర్రాడు ఖలీల్ అహ్మద్ చేతుల్లో ట్రోఫీ ఉన్న సంగతి తెలిసిందే. ధోని సూచన మేరకే అతడికి చేతికి ట్రోఫీ వచ్చిందట. ఆ విషయాన్ని ఖలీలే స్వయంగా వెల్లడించాడు.
|
రోహిత్కు ధోనినే చెప్పాడు
"వేదిక మీద ట్రోఫీ నా చేతికి ఇవ్వమని కెప్టెన్ రోహిత్కు ధోనినే చెప్పాడు. ఇదే నాకు అరంగేట్ర సిరీస్. జట్టులో అందరి కంటే జూనియర్ నేనే కావడంతో ట్రోఫీ నా చేతికి ఇప్పించాడు. అది నాకు మరపురాని అనుభవం" అని ఖలీల్ చెప్పాడు.
|
తన కెప్టెన్సీలో ఎప్పుడు ట్రోఫీలను నెగ్గినా
ధోని కెప్టెన్సీలో సైతం ఇలానే వ్యవహారిస్తాడు. తన కెప్టెన్సీలో ఎప్పుడు ట్రోఫీలను నెగ్గినా... ధోని దానిని నేరుగా యువ ఆటగాళ్ల చేతికి అందిస్తాడు. ఆసియాకప్ టోర్నీలో ధోని కెప్టెన్ కాకపోయినప్పటికీ, తాత్కాలిక కెప్టెన్ రోహిత్ శర్మకు చెప్పి మరీ యువ ఆటగాళ్లకు ట్రోఫీని అందించడంలో సఫలమయ్యాడు.
|
ధోనిపై నెటిజన్లు ప్రశంసల వర్షం
ఈ విషయం సోషల్ మీడియాలో వైరల్ కావడంతో ధోనిపై నెటిజన్లు ప్రశంసల వర్షం కురిపిస్తున్నారు. యువ ఆటగాళ్లను ప్రోత్సహించడంలో ధోని ఎప్పుడూ ముందుంటాడని ఓ నెటిజన్ ట్వీట్ చేశాడు. మరొక నెటిజన్ ఖలీల్ అహ్మద్ ట్రోఫీని పైకెత్తడం యువ ఆటగాళ్లను ప్రోత్సహించడమే అని పేర్కొన్నాడు.