Click it and Unblock the Notifications
షోయబ్ మాలిక్‌కు ఆఖరి వరల్డ్‌కప్
2011, 2015 వరల్డ్‌కప్ జట్టులో షోయబ్ మాలిక్ చోటు దక్కించుకోలేకపోయాడు. ప్రస్తుతం ఇంగ్లాండ్ వేదికగా జరుగుతున్న వన్డే వరల్డ్‌కప్ షోయబ్ మాలిక్‌కు ఆఖరి వరల్డ్ కప్ కావొచ్చు. మాలిక్ సైతం ఈ వరల్డ్‌కప్ తర్వాత తాను పరిమిత ఓవర్ల ఫార్మాట్ నుంచి వైదొలగనున్నట్లు ప్రకటించాడు.
అత్యధిక విరామం తీసుకున్న రెండో ఆటగాడిగా
ఈ నేపథ్యంలో ఆఖరి అవకాశంగా సెలక్టర్లు ఈ వరల్డ్‌కప్‌లో చోటు కల్పించినట్లు తెలుస్తోంది. దీంతో రెండు వరల్డ్‌కప్ మ్యాచ్‌ల్లో అత్యధిక విరామం తీసుకున్న రెండో ఆటగాడిగా షోయబ్ మాలిక్ అరుదైన గుర్తింపు పొందాడు. వెస్టిండిస్‌కు చెందిన ఆండర్సన్ కమిన్స్‌ 14 ఏళ్ల 362 రోజుల తర్వాత మ్యాచ్ ఆడాడు.
అగ్రస్థానంలో ఆండర్సన్ కమ్మిన్స్
ఆ తర్వాత ఆండర్సన్ కమిన్స్‌ కెనడా జట్టుకు ప్రాతినిథ్యం వహించాడు. అయితే, ఒకే జట్టు నుంచి సుదీర్ఘ విరామాన్ని లెక్కిస్తే మాత్రం షోయబ్ మాలిక్ ఈ జాబితాలో అగ్రస్థానంలో ఉంటాడు. ఇంగ్లాండ్ పాస్ట్ బౌలర్ లియాం ప్లంకెట్ కూడా 12 ఏళ్ల 39 రోజుల తర్వాత ఈ వరల్డ్ కప్ జట్టులో చోటు దక్కించుకున్నాడు.
రెండు వరల్డ్‌కప్‌ల మధ్యలో ఎక్కువ గ్యాప్ తీసుకున్న ఆటగాళ్లు:
ఆండర్సన్ కమ్మిన్స్ - వెస్టిండిస్/కెనడా - 14 ఏళ్ల 362 రోజులు
షోయబ్ మాలిక్ - పాకిస్థాన్ - 12 ఏళ్ల 74 రోజులు
లియాం ప్లంకెట్ - ఇంగ్లాండ్ - 12 ఏళ్ల 39 రోజులు
లామెక్ ఆన్యాంగో - కెన్యా - 11 ఏళ్ల 14 రోజులు
కార్ల్ హూపర్ - వెస్టిండిస్ - 10 ఏళ్ల 328 రోజులు
