|
వన్డేల్లో వరుసగా ఆరుసార్లు 50కి పైగా స్కోరు
అదే సమయంలో భారత క్రికెట్ లెజెండ్ సచిన్ టెండూల్కర్, కెప్టెన్ విరాట్ కోహ్లీల రికార్డుని సైతం రాస్ టేలర్ అధిగమించాడు. వన్డేల్లో వరుసగా ఆరుసార్లు 50కి పైగా స్కోర్ చేసిన ఆటగాడిగా రాస్ టేలర్ తన ఖాతాలో అరుదైన రికార్డుని వేసుకున్నాడు. గత ఆరు వన్డేల్లో 181, 80, 86, 54, 90, 137 స్కోర్లు నమోదు చేశాడు.
|
సచిన్, కోహ్లీని అధిగమించిన రాస్ టేలర్
భారత ఆటగాళ్లలో సచిన్ టెండూల్కర్, విరాట్ కోహ్లీ వన్డేల్లో వరుసగా ఐదుసార్లు 50కిపైగా పరుగులు చేశారు. విరాట్ కోహ్లీ 2012లో వరుసగా ఐదు వన్డేల్లో 133, శ్రీలంకపై 108, బంగ్లాదేశ్పై 66, పాకిస్థాన్పై 83, శ్రీలంకపై 106 స్కోర్లు సాధించాడు. తాజా సెంచరీతో రాస్ టేలర్ వీరిద్దరిని దాటేశాడు.
|
కేన్ విలియమన్స్ సరసన నిలిచిన టేలర్
అంతేకాదు న్యూజిలాండ్ కెప్టెన్ కేన్ విలియమన్స్ సరసన నిలిచాడు. 2015లో కేన్ విలియమ్సన్ వరుసగా ఆరు సార్లు 50కిపైగా పరుగులు చేశాడు. ఈ జాబితాలో పాక్ మాజీ దిగ్గజ ఆటగాడు జావేద్ మియాందాద్ అగ్రస్థానంలో కొనసాగుతున్నాడు. 1987లో మియాందాద్ ఏకంగా తొమ్మిదిసార్లు 50కిపైగా స్కోర్లు సాధించాడు.
3-0తో వన్డే సిరిస్ను క్లీన్ స్వీప్
ఇదిలా ఉంటే, ఈ మ్యాచ్లో తొలుత బ్యాటింగ్ చేసిన న్యూజిలాండ్ 50 ఓవర్లలో 4 వికెట్లకు 364 పరుగులు చేసింది. కివీస్ బ్యాట్స్మెన్లలో రాస్ టేలర్ (137), హెన్రీ నికోల్స్ (124) సెంచరీలు చేశారు. అనంతరం భారీ లక్ష్యంతో బరిలోకి దిగిన శ్రీలంక 41.4 ఓవర్లలో 249 పరుగులు చేసి ఆలౌటైంది. దీంతో మూడో వన్డేలో ఆతిథ్య న్యూజిలాండ్ జట్టు 115 పరుగుల తేడాతో విజయం సాధించి 3-0తో వన్డే సిరిస్ను క్లీన్ స్వీప్ చేసింది.