ప్రతి ఒక్క ఆటగాడికీ ఈ దశ వస్తోంది
"ప్రతి ఒక్క ఆటగాడికీ తన కెరీర్లో ఈ దశ వస్తుంది. అతడి నేచురల్ గేమ్ ఫ్రీగా ఆడటమే, అయితే, ఇప్పుడు ఆ ఆటతో మంచి ఫలితాలను రాబట్టలేకపోతున్నాడు. స్టయిక్ను రొటేట్ చేయడం ద్వారా గత మ్యాచ్ తప్పిదాల నుంచి బయట పడేందుకు ప్రయత్నిస్తున్నాడు. అయితే, ఇన్నింగ్స్ ప్రారంభంలో పంత్ సరైన షాట్లను ఎంపిక చేసుకోలేకపోతున్నాడు" అని లక్ష్మణ్ అన్నారు.
పంత్ 5 లేదా 6 స్థానాల్లో
"పంత్ 5 లేదా 6 స్థానాల్లో బ్యాటింగ్ చేయాలి. ఆ స్థానాల్లో దూకుడుగా ఆడేందుకు అవకాశం ఉంటుంది. అయితే, No. 4 స్ఫాట్లో పరుగులు రాబట్టేందుకు అతడికి సరైన పద్ధతి తెలియడం లేదు. No. 4 స్ఫాట్లో బ్యాటింగ్ చేసేందుకు గాను హార్దిక్ పాండ్యా, శ్రేయాస్ అయ్యర్ వంటి క్రికెటర్లు ఉన్నారు. వారు ఇప్పటికే ఆ స్థానంలో ఆడేందుకు తగిన అనుభవాన్ని సొంతం చేసుకున్నారు" అని లక్ష్మ్ తెలిపారు.
రిషబ్ పంత్ ప్రదర్శనపై
ముఖ్యంగా పరిమిత ఓవర్ల ఫార్మాట్లో రిషబ్ పంత్ ప్రదర్శన అటు అభిమానులతో పాటు ఇటు జట్టు మేనేజ్మెంట్ను నిరాశపరుస్తోంది. ఆదివారం బెంగళూరులోని చిన్నస్వామి స్టేడియంలో దక్షిణాఫ్రికాతో జరిగిన మూడో టీ20లో రిషబ్ పంత్ రిషబ్ పంత్(19) నిరుత్సాహపరిచాడు. తనపై తీవ్ర విమర్శలు చేస్తోన్న వేళ అద్భుతమైన అవకాశాన్ని వినియోగించుకోలేకపోయాడు.
నాలుగో స్థానంలో బ్యాటింగ్కు వచ్చిన పంత్
ఆదివారం నాటి మ్యాచ్లో నాలుగో స్థానంలో బ్యాటింగ్కు వచ్చిన రిషబ్ పంత్ పేలవ షాట్తో మరోసారి పెవిలియన్కు చేరాడు. మూడో టీ20లో టాపార్డర్ విఫలకావడంతో టీమిండియా కష్టాల్లో పడింది. దీంతో నాలుగో స్థానంలో బ్యాటింగ్కు దిగిన రిషబ్ పంత్ క్రీజులో నిలదొక్కుకొని ఆడి ఉంటే టీమిండియా విజయాన్ని సాధించింది.
ఇంకా అనుభవం అవసరం!
అయితే, ఇన్నింగ్స్ 13 ఓవర్లో ఫార్చూన్ బౌలింగ్లో అవుట్సైడ్ ఆఫ్ బంతిని వెంటాడి మరి గాల్లోకి లేపడంతో ఆ సమయంలో అక్కడే పీల్డింగ్ చేస్తున్న ఫెలూక్వాయో ఈజీ క్యాచ్ అందుకోవడంతో పంత్ వెనుదిరిగాడు. ఇప్పటివరకు భారత్ తరుపున 11 టెస్టులు, 12 వన్డేలు, 19 టీ20లకు ప్రాతినిథ్యం వహించిన ఈ యువ వికెట్ కీపర్ మ్యాచ్ పరిస్థితులను అంచనా వేయడంలో ఇంకా అనుభవం తెచ్చుకోవాలని క్రీడా విశ్లేషకులు అంటున్నారు.