గార్డ్ మార్చుకుని గేల్ బౌలింగ్‌లో సిక్స్, ఫోర్లు బాదిన వార్నర్ (వీడియో)

గేల్‌ వేసిన 19 ఓవర్‌‌లో

స్వతహాగా ఎడమచేతి వాటం బ్యాట్స్‌మన్‌ అయిన వార్నర్‌.... గేల్‌ వేసిన 19 ఓవర్‌ నాలుగో బంతికి ఉన్నపళంగా గార్డ్‌ మార్చుకున్నాడు. అంతకుముందు బాల్‌ను హిట్‌ చేద్దామని ప్రయత్నించిన వార్నర్‌ విఫలం కావడంతో కుడి చేతి వాటం బ్యాటింగ్‌ చేయాలని నిర్ణయించుకున్నాడు.

ఫీల్డ్‌ అంపైర్‌కు తెలిపిన వార్నర్‌

ఈ మేరకు ఫీల్డ్‌ అంపైర్‌కు తెలిపిన వార్నర్‌.. రైట్‌ హ్యాండ్‌తో ఆడిన మొదటి బంతిని సిక్స్‌గా మలిచాడు. ఆ తర్వాత వరుస రెండు బంతుల్ని రెండు ఫోర్లు కొట్టాడు. ఈ మ్యాచ్‌లో 33 బంతుల్లో 47 పరుగుల్ని లెఫ్ట్‌ హ్యాండర్‌గా సాధించగా, 3 బంతుల్లో 14 పరుగుల్ని రైట్‌ హ్యాండర్‌గా వార్నర్ సాధించడం విశేషం.

70 పరుగులు చేసిన లిటన్ దాస్

ఈ మ్యాచ్‌లో వార‍్నర్‌కు తోడు లిటన్‌ దాస్‌ 43 బంతుల్లో 9ఫోర్లు ఒక సిక్స్ సాయంతో 70 పరుగులు చేయడంతో సిల్హెట్‌ సిక్సర్‌ జట్టు నిర్ణీత ఓవర్లలో ఐదు వికెట్లు కోల్పోయి 187 పరుగులు చేసింది. అనంతరం భారీ లక్ష్యంతో బరిలోకి దిగిన రంగపూర్‌ రైడర్స్‌ ఆరు వికెట్ల నష్టానికి 160 పరుగులు చేసి ఓడిపోయింది.