అనిల్ కుంబ్లే
అనిల్ కుంబ్లే మాట్లాడుతూ "రిటైరైన తర్వాత మేమంతా ఇలా కూర్చొని మాట్లాడుకొనే అవకాశం రాలేదు. అందుకే ఇది ఎంతో ప్రత్యేకమైన రోజు. చారిత్రక మ్యాచ్కు ఇంతకన్నా మంచి వేదిక మరొకటి ఉండదు" అని అన్నాడు.
సచిన్ టెండూల్కర్
2001లో ఆస్ట్రేలియాతో టెస్టులో హ్యాట్రిక్ సహా 13 వికెట్లు తీసిన భజ్జీని అభినందించారు. సచిన్ మాట్లాడుతూ "భజ్జీ హ్యాట్రిక్తో మ్యాచ్ స్వరూపమే మారిపోయింది. మేం ఆ మ్యాచ్ గెలిచిన విధానం భారత క్రికెట్ను సరికొత్త దశకు తీసుకెళ్లింది. భజ్జీ ఓ సంచలనం. రికీ పాంటింగ్ను చాలాసార్లు ఔట్ చేశాడు. లక్ష్మణ్, ద్రావిడ్ భాగస్వామ్యం డ్రెస్సింగ్ రూమ్లో ఆత్మవిశ్వాసాన్ని ఎన్నో రెట్లు పెంచింది" అని అన్నాడు.
హర్భజన్ సింగ్
భజ్జీ మాట్లాడుతూ "ఈరోజు ఇక్కడి వాతావరణం నన్ను 15 సంవత్సరాల వెనక్కు తీసుకుపోయింది. అప్పట్లో టెస్టు క్రికెట్ భిన్నంగా ఉండేది. ఈ అనుభూతి ఎంతో బాగుంది. ఈడెన్ గార్డెన్స్కు వచ్చిన ప్రతిసారి నేను సరికొత్త అనుభూతికి లోనవుతా. ఈ అవకాశం కల్పించిన గంగూలీకి హ్యాట్సాఫ్. 100 మంది కెప్టెన్ల ఆధ్వర్యంలో ఆడినా సౌరవే నా సారథి" అని పేర్కొన్నాడు.
|
వీవీఎస్ లక్ష్మణ్
వీవీఎస్ లక్ష్మణ్ మాట్లాడుతూ "పింక్ బాల్ టెస్ట్ ఈవెనింగ్ సెషన్లో పేసర్లు విజృంభిస్తారు. బంతి బాగా స్వింగవుతుంది. దాంతో కుదురుకునేందుకు బ్యాట్స్మెన్కు సమయం పడుతుంది" అని అన్నాడు. సౌరవ్ గంగూలీ, రాహుల్ ద్రవిడ్ ఈ చర్చలో పాల్గొనాల్సి ఉన్నా అధికారిక కార్యక్రమాలతో తీరిక లేకుండా ఉండటం వల్ల కుదర్లేదు.