ఇటీవలే జాతీయ జట్టులో అరంగేట్రం.. మళ్లీ జూనియర్‌ జట్టులోకి!!

ఒక టెస్ట్.. ఒక వికెట్‌:

ఆసీస్‌తో జరిగిన టెస్టు సిరీస్‌లో నసీమ్‌ షా తొలి టెస్టులో మాత్రమే ఆడి ఒక వికెట్‌ తీసాడు. సెంచరీ చేసిన ఓపెనర్ డేవిడ్‌ వార్నర్‌ను షా ఔట్‌ చేశాడు. ఆస్ట్రేలియా-ఎతో జరిగిన ప్రాక్టీస్ మ్యాచ్‌లో సత్తాచాటిన నసీమ్‌ షా.. కీలక మ్యాచ్‌లో మాత్రం నిరూపించుకోలేకపోయాడు. దీంతో రెండు టెస్టులో చోటు కోల్పోయాడు. ఇప్పటివరకు నసీమ్‌ కేవలం ఎనిమిది ఫస్ట్‌క్లాస్ మ్యాచ్‌లు ఆడాడు.

కెప్టెన్‌గా రోహైల్ నజీర్:

పాక్ అండర్-19 జట్టుకు వికెట్ కీపర్, బ్యాట్స్‌మన్‌ రోహైల్ నజీర్ నాయకత్వం వహించనున్నాడు. 18 ఏళ్ల నజీర్ ఇప్పటికే తొమ్మిది ఫస్ట్ క్లాస్ మ్యాచ్‌లు ఆడాడు. ఇటీవల శ్రీలంకలో ముగిసిన అండర్-19 ఆసియా కప్‌లో పాకిస్తాన్ జట్టుకు కెప్టెన్‌గా వ్యవహరించాడు. ఇక ఓపెనర్ హైదర్ అలీ వైస్ కెప్టెన్‌గా ఎంపికయ్యాడు.

స్కాట్లాండ్‌తో తొలి పోరు:

పాక్‌ ప్రకటించిన జట్టులో ముగ్గురు ఓపెనర్లు, ముగ్గురు మిడిల్‌ ఆర్డర్‌ బ్యాట్స్‌మెన్‌లు, ఒక వికెట్‌ కీపర్‌, ముగ్గురు ఆల్‌ రౌండర్లు, ఇద్దరు స్పిన్నర్లు, ముగ్గురు ఫాస్ట్‌ బౌలర్లు ఉన్నారు. పాకిస్తాన్‌ 2004, 2006 అండర్‌-19 ప్రపంచకప్‌లలో విజేతగా నిలిచింది. ఈ మెగా టోర్నీ తొలి మ్యాచ్‌లో జనవరి 19న స్కాట్లాండ్‌తో పాక్ తలపడనుంది. జనవరి 22న జింబాబ్వేతో, 24న బంగ్లాదేశ్‌తో పాక్ పోటీ పడుతుంది.

Pakistan Squad:

Abdul Wahid Bangalzai, Haider Ali, Mohammad Shehzad, Mohammad Huraira, Mohammad Irfan Khan, Rohail Nazir (c) Abbas Afridi, Fahad Munir, Qasim Akram, Amir Ali, Arish Ali Khan, Amir Khan, Naseem Shah, Tahir Hussain, Mohammad Haris.