'అఫ్గన్ బౌలర్లకు ఇదొక ప్రత్యేకమైన రోజు'

దుబాయ్: టోర్నీలో వరుస విజయాలతో దూసుకెళ్తున్న భారత్‌ను ఓటిమి అంచుల వరకూ తీసుకెళ్లిన అఫ్గనిస్తాన్ చేజాతులారా కాస్తలో ఫలితంలో అజమాయిషీ చూపించలేకపోయింది. మ్యాచ్ ముందు సునాయాస విజయాన్ని అందుకోవచ్చనే ఉద్దేశ్యంతో టీమిండియా జట్టులో మార్పులు చేసి ఓపెనర్లిద్దరినీ పక్కన పెట్టింది. ధోనీని తాత్కాలిక కెప్టెన్‌గా నిలబెట్టి 200వన్డే ఆడాలని సూచించింది. ఈ క్రమంలో బరిలోకి దిగిన ఇరు జట్లు హోరాహోరీ సమరంలో పోరాడాయి.

ఇలా ఆసియాకప్‌లో భారత్‌కు ఊహించని ఫలితం ఎదురైంది. అఫ్గానిస్థాన్‌తో మ్యాచ్‌లో విజయం ఖాయం అనుకున్నా.. మ్యాచ్‌ అనూహ్యంగా టైగా ముగిసింది. రాయుడు, రాహుల్‌ మెరిసినా 253 పరుగుల ఛేదనలో భారత్‌ 49.5 ఓవర్లలో 252 పరుగులకే ఆలౌటైంది. మొదట బ్యాటింగ్‌ చేసిన అఫ్గాన్‌ జట్టు 50 ఓవర్లలో 8 వికెట్లకు 252 పరుగులు చేసింది.

ఈ క్రమంలో టీమిండియాపై విజయం సాధించడంతో అఫ్గనిస్తాన్‌ను ట్వీట్లతో ముంచెత్తుతున్నారు నెటిజన్లు. వారితో పాటు దిగ్గజాలు సైతం ట్వీట్ల ద్వారా అఫ్గాన్ జట్టును ప్రశంసిస్తున్నారు.