Click it and Unblock the Notifications
నెట్టింట్లో వీడియో:
మ్యాచ్లనే కాకుండా ప్రాక్టీస్లోనూ ఆటగాళ్ల ప్రదర్శనను ఎంఎస్ ధోనీ పరిశిలిస్తాడు. ఏదైనా లోపాలుంటే.. అది జూనియర్, సీనియర్ అనే తేడా లేకుండా సూచనలిస్తాడు. తాజాగా ఆటగాళ్ల ప్రాక్టీస్ను ధోనీ పరిశీలిస్తున్న వీడియో నెట్టింట్లో ప్రత్యక్షమయింది. ఈ వీడియోను టీమిండియా మాజీ మానసిక నిపుణుడు ప్యాడీ ఆప్టన్ షేర్ చేసాడు.
ధోనీ కనుసన్నల్లో ప్రాక్టీస్:
భారత మాజీ దిగ్గజాలు సచిన్, లక్ష్మణ్లు ప్రాక్టీస్ చేస్తుంటే.. పక్కనే కూర్చొని ధోనీ పరిశీలిస్తున్నాడు. 2008లో ఇంగ్లండ్తో జరిగిన రెండు టెస్టుల సిరీస్లో భాగంగా లక్ష్మణ్ పూర్తిగా విఫలమవుతున్నాడు. ఇంగ్లాండ్ బౌలర్లు విసిరే బౌన్సర్లలకు లక్ష్మణ్ తెగ ఇబ్బంది పడ్డాడు. దీంతో డ్రెస్సింగ్ రూమ్లో సచిన్తో ప్రత్యేకంగా బౌన్సర్లను వేపించుకుని లక్ష్మణ్ ప్రాక్టీస్ చేస్తాడు. ఈ ప్రాక్టీస్ను ధోనీ దగ్గరుండి మరీ పరిశీలించాడు. దీనికి సంబందించిన వీడియోను ఆప్టన్ తన ట్విట్టర్లో షేర్ చేశాడు.
ధోనీ దిట్ట:
ప్రస్తుతం ఈ వీడియో నెట్టింట్లో వైరల్ అయింది. నెటిజన్లు తమదైన కామెంట్లతో హల్చల్ చేస్తున్నారు. 'దిగ్గజాలు సచిన్, లక్ష్మణ్లు కూడా ధోనీ ఆధ్వర్యంలోనే ప్రాక్టీస్ చేస్తున్నారు' అని ఓ అభిమాని కామెంట్ చేసాడు. 'ప్రతిభ రాబట్టడంలో ధోనీ దిట్ట' అని మరో అభిమాని కామెంట్ చేసాడు. మే 30 నుండి ప్రారంభం కానున్న ప్రపంచకప్లో కూడా ధోనీ సూచనలు కీలకం కానున్నాయి. ముఖ్యంగా కెప్టెన్ విరాట్ కోహ్లీకి అండగా నిలవనున్నాడు.
Continue with Google