ధోని అంచనా కచ్చితంగా నిజమవుతుంది
"చాలాసార్లు బౌలర్లు మ్యాచ్ పరిస్థితులను సరిగా అంచనా వేయలేరు. వికెట్ కీపర్ ధోని అంచనా కచ్చితంగా నిజమవుతుంది. మహీ భాయ్కు చాలా అనుభవం ఉంది. నాకు ఏమైనా తెలియకపోయినా ధోనిని అడుగుతుంటా. ధోనితో కలిసి ఆడుతున్నందుకు చాహల్, నేను అదృష్టంగా భావిస్తుంటాం. వికెట్ల వెనకాల మహీభాయ్ ఉంటే బౌలింగ్ సులభం అవుతుంది" అని కుల్దీప్ చెప్పాడు.
ఇంగ్లాండ్, పాకిస్థాన్ నుంచి పోటీ తప్పదు
ప్రపంచకప్ను భారత్కు తీసుకొచ్చే అవకాశం కోహ్లీసేనకు ఉందని కుల్దీప్ ధీమా వ్యక్తం చేశాడు. ప్రపంచకప్ గెలిచే అవకాశాలు భారత్కు మెరుగ్గానే ఉన్నా.. ఇంగ్లాండ్, పాకిస్థాన్ నుంచి పోటీ తప్పదని అన్నాడు. ఇతర జట్లతో పోలిస్తే మాత్రం ఇంగ్లాండ్ బ్యాటింగ్ లైనప్ భీకరంగా ఉందన్నాడు. వారు స్వదేశంలో ఆడుతున్న సంగతి గుర్తుంచుకోవాలని అన్నాడు.
టీమిండియా పేస్ అటాక్ చాలా అద్భుతంగా ఉంది
పాకిస్థాన్ సైతం బాగా ఆడే అవకాశం ఉందని అన్నాడు. ప్రస్తుతం టీమిండియా పేస్ అటాక్ చాలా అద్భుతంగా ఉందని కుల్దీప్ ప్రశంసించాడు. కెప్టెన్ విరాట్ కోహ్లీ బౌలర్లను నిత్యం ప్రోత్సహిస్తూనే ఉంటాడని కుల్దీప్ తెలిపాడు.