డర్బన్‌లో తొలి వన్డే: నెట్స్‌లో ధోని ప్రాక్టీస్, ఫ్యాన్స్‌తో రోహిత్ సెల్ఫీలు

MS Dhoni Sends Out Warning to Faf du Plessis and Boys

హైదరాబాద్: ఆరు వన్డేల సిరిస్‌లో భాగంగా భారత్-దక్షిణాఫ్రికా జట్ల మధ్య డర్బన్ వేదికగా తొలి వన్డే గురువారం (ఫిబ్రవరి 1)న జరగనుంది. మూడు టెస్టు మ్యాచ్‌ల సిరిస్‌ను 1-2తో చేజార్చుకున్న కోహ్లీసేన ఇప్పుడు వన్డే సిరిస్‌కు సిద్ధమైంది. ఇందులో భాగంగా బుధవారం భారత ఆటగాళ్లు నెట్స్‌లో తీవ్రంగా కసరత్తులు చేశారు.

సఫారీ జట్టు ఆ ఇద్దరి దగ్గర జాగ్రత్త పడాల్సిందే: డుప్లెసిస్ సఫారీ జట్టు ఆ ఇద్దరి దగ్గర జాగ్రత్త పడాల్సిందే: డుప్లెసిస్

టీమిండియా మాజీ కెప్టెన్ మహేంద్ర సింగ్‌ ధోని నెట్స్‌లో బ్యాటింగ్‌ ప్రాక్టీస్‌ చేస్తూ కనిపించాడు. ఇందుకు సంబంధించిన వీడియోను బీసీసీఐ తన ట్విట్టర్ ఖాతాలో అభిమానులతో పంచుకుంది. ప్రాక్టీస్ అనంతరం వైస్‌ కెప్టెన్‌ రోహిత్‌శర్మ అభిమానులతో ఫొటోలు దిగుతూ సందడి చేశాడు.

When @msdhoni has a go at the nets #TeamIndia #SAvIND pic.twitter.com/ex3mTby1Gb
— BCCI (@BCCI) January 31, 2018

మూడు టెస్టు మ్యాచ్‌ల సిరిస్‌లో చివరిదైన మూడో టెస్టులో కోహ్లీసేన విజయం సాధించడంతో కోహ్లీసేన వన్డే సిరిస్‌లో ఆత్మవిశ్వాసంతో బరిలోకి దిగుతోంది. సఫారీ గడ్డపై టీమిండియా ఇప్పటివరకు ఒక్క ద్వైపాక్షిక సిరిస్‌ను కూడా గెలవలేదు. ఈ నేపథ్యంలో ఈ వన్డే సిరిస్‌ను కోహ్లీసేన ప్రతిష్టాత్మకంగా తీసుకుంది.

వరల్డ్ కప్‌కు కోర్ ప్లేయర్లు రెడీ, ఆ ఒక్క స్లాట్ మాత్రమే మిగిలింది: కోహ్లీ వరల్డ్ కప్‌కు కోర్ ప్లేయర్లు రెడీ, ఆ ఒక్క స్లాట్ మాత్రమే మిగిలింది: కోహ్లీ

మరోవైపు దక్షిణాఫ్రికా స్టార్ బ్యాట్స్‌మన్ ఏబీ డివిలియర్స్ తొలి మూడు వన్డేలకు దూరం కావడం టీమిండియాకు కలిసొచ్చే అంశం. మరోవైపు ధోని వన్డేల్లో పదివేల పరుగులు పూర్తి చేయడానికి ఇంకా 102 పరుగుల దూరంలో ఉన్నాడు. ఈ సిరీస్‌ ద్వారా ధోని వన్డేల్లో పదివేల పరుగుల మైలురాయిని అందుకోవాలని అభిమానులు ఆశిస్తున్నారు.