ఆర్మీ దుస్తుల్లోనే కవాతు చేస్తూ: ట్విట్టర్‌లో ధోనిపై ప్రశంసలు

MS Dhoni Receives Padma Bhushan Award From President Ram Nath Kovind, Twitter Loves It

హైదరాబాద్: టీమిండియా మాజీ కెప్టెన్ మహేంద్ర సింగ్ ధోని సోమవారం రాష్ట్రపతి రామ్‌నాథ్‌ కోవింద్‌ చేతులమీదుగా పద్మభూషణ్‌ అవార్డు అందుకున్న సంగతి తెలిసిందే. ఢిల్లీలోని రాష్ట్రపతి భవన్‌లో సోమవారం జరిగిన ఈ కార్యక్రమంలో ధోని ఈ ప్రతిష్టాత్మక అవార్డు అందుకున్నాడు.

ఈ కార్యక్రమానికి ధోని కుటుంబ సమేతంగా హాజరయ్యారు. లెఫ్టినెంట్‌ కల్నల్‌ హోదా కలిగిన ధోని ఆర్మీ దుస్తుల్లోనే కవాతు చేస్తూ రాష్ట్రపతి దగ్గరకు వెళ్లి మరీ అవార్డు స్వీకరించాడు. దీంతో ఒక్కసారిగా ఆ ప్రాంగణమంతా చప్పట్లతో మారుమోగిపోయింది. వరల్డ్ కప్ నెగ్గిన తర్వాత ధోనీకి ఆర్మీలో లెఫ్టినెంట్‌ కల్నల్‌ హోదా దక్కిన సంగతి తెలిసిందే.

ఇక ధోని అవార్డు అందుకుంటుండగా అతని భార్య సాక్షిసింగ్‌ నవ్వుతూ సంతోషం వ్యక్తం చేశారు. ధోని జీవితంలో ఈ రోజు(ఏప్రిల్ 2)కు ఎంతో ప్రత్యేకత ఉంది. సరిగ్గా ఏడేళ్ల కిందట ఇదే రోజున టీమిండియాకు ధోని వరల్డ్‌కప్ అందించాడు. మళ్లీ అదే రోజున భారత మూడో అత్యున్నత పురస్కారమైన పద్మభూషణ్‌ స్వీకరించాడు.

#WATCH Billiards player Pankaj Advani and Cricketer MS Dhoni conferred with Padma Bhushan by President Ram Nath Kovind at Rashtrapati Bhawan in Delhi pic.twitter.com/XgPTHWsxBl
— ANI (@ANI) April 2, 2018

ధోనితో పాటు బిలియర్డ్స్‌లో 18సార్లు వరల్డ్ చాంపియన్ అయిన పంకజ్ అద్వానీకి కూడా పద్మభూషణ్ స్వీకరించాడు. పద్మభూషణ్ అవార్డు అందుకున్న 11వ భారత క్రికెట్ మహేంద్ర సింగ్ ధోని. 2013లో మొట్టమొదటిసారి ఈ అవార్డుని రాహుల్ ద్రవిడ్ అందుకున్నాడు. ఈ సందర్భంగా మాజీ, ప్రస్తుత క్రికెటర్లు, అభిమానులు సోషల్ మీడియా ద్వారా ధోనిపై ప్రశంసల వర్షం కురిపిస్తున్నారు.

Congratulations Lieutenant Colonel MS Dhoni on receiving the Padma Bhushan, 7 years to the date since we won the World Cup ! pic.twitter.com/xjgjrHr4Ng
— Mohammad Kaif (@MohammadKaif) 2 April 2018

మహమ్మద్‌ కైఫ్‌

పద్మభూషణ్‌ అందుకున్న లెఫ్టినెంట్‌ కల్నల్‌ మహేంద్ర సింగ్‌ ధోనీకి అభినందనలు. ఏడేళ్ల క్రితం ఇదే రోజున మనం ప్రపంచకప్‌ గెలిచాం

ఢిల్లీ డేర్ డెవిల్స్

ఏప్రిల్‌ 2, 2011: మహేంద్ర సింగ్‌ ధోనీ భారత్‌ వరల్డ్ కప్ గెలవడంలో కీలకపాత్ర పోషించాడు.

ఏప్రిల్‌ 2, 2018: ధోనీ పద్మభూషణ్‌ అందుకున్నాడు. కంగ్రాట్స్‌ ధోనీ. ఎల్లప్పుడు నువ్వు మాకు ఆదర్శంగా నిలుస్తావు

Lieutenant Colonel #MSDhoni Received PADMA BHUSHAN Today from President of India 🇮🇳

#PadmaBhushan #Dhoni #PadmaBhushanMSD #MSD pic.twitter.com/0bYQHeTy1e
— CSK UNIVERSE (@CSKUniverse) 2 April 2018

చెన్నై సూపర్‌ కింగ్స్‌

పద్మభూషణ్‌ మహేంద్ర సింగ్‌ ధోని. ఇండియన్ ప్రీమియర్ లీగ్ (ఐపీఎల్)లో ధోని చెన్నై సూపర్ కింగ్స్ జట్టుకు కెప్టెన్‌గా వ్యవహారిస్తోన్న సంగతి తెలిసిందే. రెండేళ్ల విరామం తర్వాత చెన్నై జట్టు తిరిగి ఐపీఎల్‌లోకి అడుగుపెడుతోంది.

A perfect definition of a leader. NATIONAL PRIDE MSDHONI pic.twitter.com/YEjiTAtkTN
— Gopichand Malineni (@megopichand) 1 April 2018

గోపీచంద్‌ మలినేని

లీడర్‌కు సరైన అర్థం. ధోనిని చూసి దేశం గర్విస్తోంది

Interesting #coincidence that #MSDhoni received #PadmaBhushan from Hon’ble #PresidentKovind on the same day (April 2) that he had led India’s fabulous World Cup victory in 2011. #India is proud of you @msdhoni and so is our brave #IndianArmy ! pic.twitter.com/jlvC361GVv
— Dr. Harsh Vardhan (@drharshvardhan) April 2, 2018

కేంద్రమంత్రి హర్షవర్థన్‌

వరల్డ్ కప్ గెలిచిన ఏప్రిల్‌ రెండో 2వ తేదీనే ధోనీ పద్మభూషణ్‌ అందుకున్నాడు. రెండూ భలే కలిసి వచ్చాయి. నిన్ను చూసి భారత్‌ ఎంతో గర్విస్తుంది.

Congrats @msdhoni on your Padma Bhushan award. Fittingly given on the anniversary of our WC triumph. I am sure more such honors are on the way. #PadmaBhushan #MSDhoni
— Ashwin Ravichandran (@ashwinravi99) April 2, 2018

రవిచంద్రన్‌ అశ్విన్‌

పద్మభూషణ్‌ అందుకున్న ధోనికి అభినందనలు. వరల్డ్ కప్ సాధించిన ఆ తేదీనే నీకు ఈ పురస్కారం దక్కింది. నీ కోసం మరిన్ని పురస్కారాలు ఎదురుచూస్తున్నాయని నేను నమ్ముతున్నాను.