ఐపీఎల్‌లో ఆటగాళ్ల బదిలీకి వేళైంది..?

బదిలీలు జరిగేది ఎప్పుడంటే:

సన్‌రైజర్స్ హైదరాబాద్‌, రాజస్థాన్‌ రాయల్స్‌ మధ్య ఆదివారం (29, ఏప్రిల్‌) సీజన్‌లో 28వ మ్యాచ్ జరిగింది‌. దీంతో సీజన్‌ తొలి అర్ధభాగం ముగిసింది. ఏప్రిల్‌ 29న మొదలైన ఈ అవకాశం ఈనెల 10 వరకూ 12 రోజులపాటు ఉంటుంది. మే 10 లోపు ఫ్రాంచైజీలు తమ ఆటగాళ్లను ఇతర జట్లకు బదిలీ చేసుకోవచ్చు. అంటే ఢిల్లీ డేర్‌డెవిల్స్‌, సన్‌రైజర్స్ హైదరాబాద్‌ మధ్య జరిగే 42వ మ్యాచ్‌ లోపు అన్నమాట.

ఉపయోగం, ఎలా మారాలి:

ఇప్పటికే ఆయా జట్లలో ఉండీ అవకాశం రాని ఆటగాళ్లకు.. అవకాశం వచ్చినా సత్తా చాటలేకపోయిన వారికి ఈ బదిలీ ఉపయోగపడనుంది. క్యాప్డ్‌, అన్‌క్యాప్డ్ ప్లేయర్ల (దేశవాళీ, విదేశీ)కు బదిలీ అవకాశం ఉంటుంది. 28వ మ్యాచ్‌ ముగిశాక.. రెండు మ్యాచ్‌లకంటే తక్కువ ఆడిన క్యాప్డ్‌ క్రికెటర్లు అర్హులు. అన్ క్యాప్డ్ ఆటగాళ్లయితే అందరికీ బదిలీకి అవకాశం ఉంటుంది.

ఎలా జరుగుతుంది..

బదిలీకి ఆసక్తి కనబరిచే రెండు ఫ్రాంచైజీలు చర్చల ద్వారా, బదిలీకి ఇష్టపడే ఆటగాళ్ల అంగీకారంతో ఇది జరుగుతుంది. హేల్స్‌, డుమిని, డుప్లెసిస్‌, సౌథీలాంటి వారంతా బదిలీకి అర్హులవుతారు.

నియమాలు ఏంటి?

ఆటగాళ్లను బదిలే చేసేందుకు కొన్ని నియమాలు ఉన్నాయి. ఫ్రాంచైజీలు ఇష్టానుసారం క్రికెటర్‌ను బదిలే చేసేందుకు వీల్లేదు.

* జాతీయ జట్టుకు ఆడిన, ఆడని క్రికెటర్లు బదిలీకి అర్హులు.

* జాతీయ జట్టుకు ఆడిన ఆటగాళ్లైతే మ్యాచ్‌-28 లోపు రెండు కన్నా తక్కువ మ్యాచ్‌లు ఆడి ఉండాలి.

* జాతీయ జట్టులో అరంగేట్రం చేయని ఆటగాళ్లందరూ బదిలీ ప్రక్రియకు అర్హులు.

* బదిలీకి రెండు ఫ్రాంచైజీలు అంగీకరించాలి. అప్పుడే ఈ ప్రక్రియ మొదలవుతుంది.

ఈ నిబంధనలను పరిగణనలోకి తీసుకుంటే అలెక్స్‌ హేల్స్‌, జేపీ డుమిని, డుప్లెసిస్‌, టిమ్‌ సౌథీ, ఇష్‌ సోధి వంటి కొందరు ఆటగాళ్లు బదిలే అయ్యే అవకాశాలున్నాయి.