ధోని నా వెన్నంటే నిలిచాడు
"ఆ తర్వాత బ్యాటింగ్లో రాణించా. కానీ, ప్రారంభంలో ఇబ్బంది పడుతున్న సమయంలో నా వెన్నంటే నిలిచాడు. అది నాకు చాలా ఉపయోగపడింది. మూడో నంబర్లో అవకాశమిచ్చింది కూడా ధోనినే. ఇంతకుముందు చాలాసార్లు చెప్పినట్లు ధోనీకి ఆటపై గొప్ప అవగాహన ఉంది. తొలి బంతి నుంచి 50 ఓవర్లు పూర్తయ్యేవరకు ప్రతీ బంతిని దగ్గరగా గమనిస్తాడు" అని కోహ్లీ తెలిపాడు.
ధోని జట్టులో ఉండడం నా అదృష్టం
"ధోని జట్టులో ఉండడం నాకు చాలా సౌకర్యంగా ఉంటుందని చెప్పను. స్టంప్స్ వెనుక అతడి లాంటి తెలివైన వ్యక్తి ఉండడం నా అదృష్టమని చెబుతా. టీమ్ మేనేజ్మెంట్తో వ్యూహరచనలో మహీ భాయ్, రోహిత్ ఎప్పుడూ ఉండాలని కోరుకుంటా. మ్యాచ్కు సంబంధించిన చాలా విషయాల్లో ధోనీ నుంచి విలువైన సలహాలు స్వీకరిస్తా. అందుకే మా ఇద్దరి మధ్య మంచి అవగాహన ఉంది" అని కోహ్లీ అన్నాడు.
బౌండరీ లైన్ వద్ద ఫీల్డింగ్ చేస్తుంటా
"చివరి ఓవర్లలో ఎక్కువగా బౌండరీ లైన్ వద్ద ఫీల్డింగ్ చేస్తుంటా. అలా ఉండడం నా స్వభావం. 30-35 ఓవర్లు ముగిసేసరికి నేను వెనక్కి వెళ్లిపోతానని మహీకి తెలుసు. అది సహజంగా జరిగేదే. ఆ సమయంలో ధోనీయే అన్నీ చూసుకుంటాడు. అందుకే మా మధ్య పరస్పర గౌరవం, నమ్మకం ఉంది" అని కోహ్లీ పేర్కొన్నాడు.
డ్రెస్సింగ్ రూమ్ వాతావరణం చాలా బాగుంది
ప్రస్తుతం భారత జట్టు డ్రెస్సింగ్ రూమ్ వాతావరణం చాలా బాగుందని కోహ్లీ అన్నాడు. 2011 వరల్డ్కప్లో తాను పెద్దగా జోక్యం చేసుకోలేదని... ఈసారి అలా ఉండదని, ప్రతి అంశంలోనూ తన ఆలోచన భిన్నంగా ఉంటుందని కోహ్లీ చెప్పాడు. వరల్డ్కప్ జట్టుకు ఆల్రౌండర్ విజయ్ శంకర్ను ఎంపిక చేయడంపై కోహ్లీ సంతోషం వ్యక్తం చేశాడు.