కగిసో రబాడకు మరో వార్నింగ్, నెలకోసారి ఇలా..

రబాడని నియంత్రించే బాధ్యతను తీసుకోవాలి

‘తప్పిదాల నుంచి రబాడ పాఠాలు నేర్చుకోవాలి. మైదానంలో వికెట్ తీసిన సమయంలో హద్దుల్లో సంబరాలు చేసుకుంటే మంచిది. స్మిత్‌ను భుజంతో ఢీకొట్టిన ఘటనలో వాస్తవాలేంటో నాకు తెలియదు. ఫాస్ట్ బౌలర్లలో ఆమాత్రం దూకుడు ఉండటం సహజమే. కానీ.. అది పరిమితులకి లోబడి ఉండాలి. మైదానంలో రబాడని నియంత్రించే బాధ్యతను సీనియర్ క్రికెటర్లు తీసుకోవాలి. వికెట్ తీసిన వెంటనే అతడి చుట్టూ ఉండి.. అతను హుందాగా మెలిగేలా చూడాలి' అని డివిలియర్స్ సూచించాడు.

విరాట్ కోహ్లి, శిఖర్ ధావన్‌లను సైతం కవ్వించి:

ఇటీవల భారత్‌తో ముగిసిన టెస్టు సిరీస్‌లోనూ విరాట్ కోహ్లి, శిఖర్ ధావన్‌తో కవ్వింపు చర్యలకి దిగిన రబాడ.. గత ఏడాది రెండు సందర్భాల్లో హద్దులు మీరి ప్రవర్తించి ఐసీసీతో మొట్టికాయలు వేయించుకున్నాడు. ఇలా ఇప్పటికే ఐసీసీ నియమావళిని అతిక్రమించి నాలుగు సార్లు దెబ్బతిన్నాడు రబాడ.

ఫిబ్రవరి 2017లో:

శ్రీలంక క్రికెటర్ నిరోషన్ డిక్వెల్లాను రెచ్చగొట్టే విధంగా సంజ్ఞలు చేశాడు. దానికి గాను మూడు డీ మెరిట్ పాయింట్లతో పాటు మ్యాచ్ ఫీజులో 50% కోతకు గురైయ్యాడు.

జూలై 2017లో:

అసభ్య పదజాలం, బూతులను తిట్టి ఇంగ్లాండ్ ఆల్ రౌండర్ బెన్ స్టోక్స్ ఆగ్రహానికి బలైయ్యాడు. దీనికి గాను మ్యాచ్ ఫీజులో ఒక డి మెరిట్ పాయింట్‌తో పాటు 15% మ్యాచ్ ఫీజు కోతపడింది. అంతేగాక ఒక టెస్టు మ్యాచ్ నిషేదం సైతం శిక్షగా అనుభవించాడు.

ఫిబ్రవరి 2018లో:

భారత బ్యాటింగ్ ఓపెనర్ శిఖర్ ధావన్‌ను సైతం వెక్కిరించే విధంగా అసభ్య పదజాలం వాడి ఐసీసీ చేతికి దొరికిపోయాడు. దీనికిగాను ఒక డి మెరిట్ పాయింట్‌తో పాటు మ్యాచ్ ఫీజులో 15% శాతం కోతపడింది.

మార్చి 2018లో:

ఆస్ట్రేలియా జట్టు కెప్టెన్ స్టీవ్ స్మిత్ మ్యాచ్‌లో ఎల్బీడబ్ల్యూ అయ్యాడా అనే సందేహంలో రివ్యూ కోరేందుకు వెళ్తుండగా అతని భుజానికి కావాలనే తగిలాడు. అదే టెస్టులో సహ క్రికెటర్ అయిన డేవిడ్ వార్నర్‌పై తన ఆగ్రహాన్ని వ్యక్తం చేశాడు. ఈ విషయంపై విచారణ కొనసాగుతోంది.