|
సిక్సర్ల వర్షంతో నిద్రకు భంగం కల్గించారు:
‘ఓరి దేవుడా కాసేపు పడుకుందామనుకుంటే సిక్సర్ల వర్షంతో నా నిద్రకు భంగం కల్గించారు. చైన్నైకి అద్భుత విజయాన్ని అందించారు. కానీ నా నిద్ర మాత్రం డిస్టర్బ్ అయ్యింది. ఎంతైనా ఎంఎస్ దోని విశ్వ విఖ్యాత ఆటగాడు. మీ ఆటకు విజిల్ వేయాల్సిందే...(విజిల్ పోడు)' అంటూ హెడెన్ తన ఆనందాన్ని వ్యక్తం చేశాడు. ఇక అంబటి రాయుడి విజృంభణ ఈ ఐపీఎల్ సీజన్ చివరి వరకు కొనసాగుతుందంటూ హెడెన్ ఆకాంక్షించారు.
|
'తలా' అని ఎందుకు పిలుస్తారో :
ఇక భారత మాజీ క్రికెటర్ అయిన హేమంగ్ బాదనీ తన ట్విట్టర్ అకౌంట్లో 'మహేంద్ర సింగ్ ధోనీ పరుగులు చేసేందుకు వయస్సు అడ్డుకాదని మరోసారి నిరూపించాడు. మళ్లీ అతన్ని ఇంతటి ఫామ్లో చూడటం ఆనందంగా ఉంది. వాళ్లు ధోనీని 'తలా' అని ఎందుకు పిలుస్తారో అర్థమైంది. నిజమైన బాస్ ఎవరో అర్థమైంది' అని పేర్కొన్నాడు.
|
ముగింపు మాత్రం ధోనీయే
టీమిండియా మాజీ క్రికెటర్, కామెంటేటర్ ఆకాశ్ చోప్రా స్పందిస్తూ.. క్రికెట్ గురించి రాసే పుస్తకం ఏదైనా సరే దాని ముగింపు మాత్రం ధోనీయే అవుతాడు. . ఇక ధోనీ ఇన్నింగ్స్కు వీరేంద్ర సెహ్వాగ్ అయితే ఫిదా అయిపోయాడు. 'కమాల్ హీ కర్తా రహ్తే హై ఎంఎస్ ధోనీ. బ్రిలియంట్ అగైన్' అని ట్వీట్ చేశాడు. 'ఏం ఆడావ్ గురూ ఎంఎస్ ధోనీ. భళే ముగించావ్ మ్యాచ్ని' అనే అర్థం వచ్చేలా కామెంట్ చేశాడు.
|
సూపర్ కింగ్స్ అంతకంటే బాగా
ధోనీ ఇన్నింగ్స్కు బాలీవుడ్ హీరో రణవీర్ సింగ్ సైతం స్పందించాడు. 'ఈ విషయం చెప్పాల్సిందే. రాయల్ ఛాలెంజర్స్ బెంగళూరు జట్టు బాగా ఆడింది. చెన్నై సూపర్ కింగ్స్ అంతకంటే బాగా ఆడింది. రాయుడు ఆట తీరు అద్భుతం. ధోనీ గురించి చెప్పాలంటే మాటలు రావడం లేదు. అతనొక ఛాంపియన్' అంటూ చెప్పుకొచ్చాడు.
|
కెప్టెన్ కూల్ అద్భుతమైన ఇన్నింగ్స్
సురేశ్ రైనా ..' ఎంఎస్ ధోనీ క్రీజులో ఉన్నంత వరకు జట్టుకు ఏ మాత్రం ఇబ్బంది ఉండదు. అంబటి రాయుడుతో కలిసి కెప్టెన్ కూల్ అద్భుతమైన ఇన్నింగ్స్ తో అదరగొట్టాడు. విజయాన్నే ఇలానే కొనసాగించాలి' అని తెలిపాడు. వీరితో పాటు సంజయ్ మంజ్రేకర్, రణ్వీర్ సింగ్, దీప్ దాస్గుప్తా, హర్బజన్ సింగ్, మొహమ్మద్ కైఫ్లతో పాటుగా సన్ రైజర్స్ హైదరాబాద్ సైతం శుభాకాంక్షలు తెలిపింది.