ఈడెన్‌‌లో విండిస్ ఒకే ఒక్క సిక్స్: టీ20ల్లో ఆరోసారి

ఒక్క సిక్స్ కూడా నమోదు చేయలేదు

2010లో హోబర్ట్ వేదికగా ఆస్ట్రేలియాతో జరిగిన మ్యాచ్‌లో విండిస్ జట్టు ఒక్క సిక్స్ కూడా నమోదు చేయలేదు. కాగా, ఈడెన్ గార్డెన్స్‌లో వెస్టిండిస్ (109/8) నమోదు చేసిన ఈ స్కోరు టీ20 చరిత్రలో భారత్‌పై అత్యల్ప స్కోరు కావడం విశేషం. అంతకముందు 2014లో మిర్‌పుర్ వేదికగా భారత్‌తో జరిగిన మ్యాచ్‌లో వెస్టిండిస్ జట్టు(129/7) పరుగులు చేసింది.

స్వల్ప లక్ష్యంతో బరిలోకి దిగిన టీమిండియా

కాగా, స్వల్ప లక్ష్యంతో బరిలోకి దిగిన టీమిండియా కూడా తడబడింది. 45 పరుగులకే నాలుగు వికెట్లు చేజార్చుకుని కష్టాల్లో చిక్కుకుంది. పేస్‌ బౌలర్‌ థామస్‌ (2/21) ఆరంభంలోనే భారత జట్టుని దెబ్బకొట్టాడు. 16 పరుగులకే ఓపెనర్లిద్దరినీ పెవిలియన్‌కు చేర్చాడు. ఓపెనర్ రోహిత్‌ శర్మని (6) తొలి ఓవర్లోనే ఔట్ చేశాడు.

ధావన్‌ను బౌల్డ్ చేసిన థామస్‌

ఆ తర్వాతి ఓవర్లో మరో ఓపెనర్ శిఖర్ ధావన్‌(3)ను బౌల్డ్‌ చేశాడు. అనంతరం క్రీజులోకి వచ్చిన కేఎల్ రాహుల్‌‌(16)ను కార్లోస్‌ బ్రాత్‌వైట్‌ ఔట్‌ చేశాడు. అనంతరం పంత్‌ను కూడా బ్రాత్‌వైటే పెవిలియన్‌కు చేర్చాడు. ఈ దశలో తీవ్ర ఒత్తిడిలో దినేశ్‌ కార్తీక్‌ కీలక ఇన్నింగ్స్‌తో భారత్‌ను ఆదుకున్నాడు.

పాండేను పెవిలియన్‌కు చేర్చిన పియర్‌

అతడికి మనీష్‌ పాండే అండగా నిలిచాడు. పొలార్డ్‌ వేసిన ఓ ఓవర్లో దినేశ్ కార్తీక్‌ మూడు ఫోర్లు బాదాడు. విండిస్ బౌలర్లు భారత బ్యాట్స్‌మెన్‌పై ఒత్తిడి తీసుకొస్తున్నప్పటికీ, భారత్‌ 14.5 ఓవర్లలో 83/4తో లక్ష్యం దిశగా సాగింది. ఈ క్రమంలో మనీష్ పాండేను పియర్‌ పెవిలియన్‌కు చేర్చాడు.

లక్నో వేదికగా రెండో టీ20

ఈ సమయంలో భారత్ విజయానికి కావాల్సింది 27 పరుగులే. ఈ సమయంలో క్రీజులోకి వచ్చిన కృనాల్‌ పాండ్యాకు మద్దతుగా దినేశ్ కార్తీక్‌ నిలవడంతో 17.5 ఓవర్లలో 5 వికెట్లు కోల్పోయి లక్ష్యాన్ని ఛేదించింది. కుల్దీప్‌ యాదవ్‌కు ‘మ్యాన్‌ ఆఫ్‌ ద మ్యాచ్‌' అవార్డు లభించింది. రెండో టీ20 మంగళవారం లక్నో వేదికగా జరుగనుంది.